خلیج اردو
ابوظہبی ایگریکلچر اینڈ فوڈ سیفٹی اتھارٹی نے العین شہر میں واقع "ٹیک ریسٹورنٹ” کو فوڈ سیفٹی قوانین کی بار بار خلاف ورزیوں پر عارضی طور پر بند کر دیا ہے۔

اتھارٹی کے مطابق تحقیقات میں ایسے فوڈ سیفٹی ضابطوں کی خلاف ورزیاں سامنے آئیں جو عوامی صحت کے لیے خطرہ بن سکتی تھیں، جس کے بعد ابوظہبی کے فوڈ قانون نمبر 2 برائے 2008 کے تحت انتظامی طور پر ریسٹورنٹ کو بند کرنے کا فیصلہ کیا گیا۔

فوڈ کنٹرول رپورٹ کے مطابق ریسٹورنٹ کو متعدد مرتبہ خلاف ورزیوں اور اصلاحی اقدامات پر عمل نہ کرنے کے باعث بند کیا گیا۔ حکام کا کہنا ہے کہ صارفین کی صحت اور محفوظ خوراک کی فراہمی یقینی بنانے کے لیے فوری کارروائی ضروری تھی۔

اتھارٹی نے واضح کیا کہ انتظامی بندش اس وقت تک برقرار رہے گی جب تک ریسٹورنٹ تمام خلاف ورزیوں کو دور کرکے فوڈ سیفٹی کے تقاضے پورے نہیں کرتا۔ تمام شرائط پوری ہونے کے بعد ریسٹورنٹ کو دوبارہ کام کرنے کی اجازت دی جا سکتی ہے۔

ابوظہبی ایگریکلچر اینڈ فوڈ سیفٹی اتھارٹی کا کہنا ہے کہ خوراک سے متعلق تمام کاروباری مراکز کا باقاعدگی سے معائنہ کیا جاتا ہے تاکہ فوڈ سیفٹی کے اعلیٰ معیار پر عمل درآمد یقینی بنایا جا سکے۔

اتھارٹی نے عوام سے بھی اپیل کی ہے کہ اگر کسی فوڈ آؤٹ لیٹ میں حفظانِ صحت کی خلاف ورزی یا خوراک کے آلودہ ہونے کا شبہ ہو تو ابوظہبی حکومت کے ٹول فری نمبر 800555 پر اطلاع دیں تاکہ فوری کارروائی کی جا سکے۔