خلیج اردو
عجمان: متحدہ عرب امارات کے امارتِ عجمان میں واقع پہاڑی علاقہ مسفوت کو اقوامِ متحدہ کی سیاحت تنظیم (UN Tourism) نے سال 2025 کے لیے دنیا کا "بہترین سیاحتی گاؤں” قرار دیا ہے۔ یہ اعزاز مسفوت کی جانب سے پائیدار دیہی سیاحت کے فروغ، ماحول کے تحفظ، اور ثقافتی اصالت کو برقرار رکھنے کے کامیاب امتزاج کے اعتراف میں دیا گیا ہے۔
امارات نیوز ایجنسی (وام) کے مطابق یہ اعزاز اس بات کی عکاسی کرتا ہے کہ متحدہ عرب امارات بالخصوص عجمان، پائیدار ایکو اور دیہی سیاحت کے فروغ کے لیے عالمی معیار کی کوششیں کر رہا ہے، جو ترقی اور ماحول دوستی کے درمیان بہترین توازن کی مثال ہے۔
