خلیج اردو
دبئی: سعودی ولی عہد شہزادہ محمد بن سلمان کے سعودی عرب کے وزیراعظم منتخب ہونے پر دنیا بھر سے تہنیتی پیغامات کا سلسلہ جاری ہے۔ دبئی کے ولی عہد شیخ حمدان بن محمد بن راشد المکتوم نے بھی منگل کو سعودی ولی عہد کو مبارک باد دی ہے۔
شیخ حمدان نے ایک ٹویٹ میں شہزادہ محمد بن سلمان کو ان کی نئی ذمہ داریوں پر کامیابی کی خواہش کا اظہار کرتے ہوئے سعودی عرب کی مزید ترقی اور خوشحالی کی بھی خواہش کی۔
نبارك لأخي الأمير محمد بن سلمان بن عبدالعزيز آل سعود ولي عهد السعودية بمناسبة تعيينه رئيساً لمجلس الوزراء، ودعواتنا لسموه بالتوفيق والسداد، وللمملكة العربية السعودية الشقيقة بمزيد من التقدم في ظل القيادة الرشيدة لخادم الحرمين الشريفين الملك سلمان بن عبدالعزيز آل سعود. pic.twitter.com/wTR77FYSnd
— Hamdan bin Mohammed (@HamdanMohammed) September 27, 2022
پاکستان کے وزیر اعظم نے بھی ولی عہد کو مبارک باد پیش کی ہے۔ اپنے ٹویٹ میں وزیر اعظم شہباز شریف نے کہا ہے کہ میں اپنے بھائی ولی عہد شہزادہ محمد بن سلمان بن عبدالعزیز آل سعود کو سعودی عرب کے وزیر اعظم کے طور پر تقرری کے موقع پر مبارکباد پیش کرتا ہوں، میں عزت مآب کی کامیابی اور برادر ملک سعودی عرب کے لیے خادمِ حرمین شریفین شاہ سلمان بن عبدالعزیز آل سعود کی قیادت میں مزید ترقی اور خوشحالی کے لیے دعا گو ہوں۔
بمناسبة تعيينه رئيساً لمجلس وزراء المملكة العربية السعودية، أبارك لأخي ولي العهد الأمير محمد بن سلمان بن عبدالعزيز آل سعود، وأدعو لسموه بالتوفيق والسداد وللمملكة العربية السعودية الشقيقة بمزيد من التقدم والازدهار في ظل قيادة خادم الحرمين الشريفين الملك سلمان بن عبدالعزيز آل سعود. pic.twitter.com/QJDzC9sVw6
— Shehbaz Sharif (@CMShehbaz) September 28, 2022
قبل ازیں خادم حرمین شریفین شاہ سلمان بن عبدالعزیز نے شہزادہ محمد بن سلمان کو سعودی عرب کا وزیراعظم مقرر کرنے کا اعلان کیا تھا۔
سعودی پریس ایجنسی کی خبر کے مطابق، شاہ سلمان نے کابینہ میں ردوبدل کا حکم بھی دیا ہے جس میں سابق نائب وزیر دفاع شہزادہ خالد بن سلمان کو نیا وزیر دفاع اور طلال بن عبداللہ بن ترکی العتیبی کو معاون وزیر دفاع مقرر کیا گیا ہے۔
Source: Khaleej Times
