خلیج اردو
ایمریٹس ایئرلائن نے اپنے مسافروں کے لیے سردیوں کے سیزن میں ایک نئی پرکشش پیشکش متعارف کرائی ہے، جس کے تحت دبئی آنے والے مسافروں کو دو خصوصی تجربات مفت فراہم کیے جائیں گے: ایک ڈنر کرؤز اور دوسرا آرٹے میوزیم کی مفت انٹری۔
آرٹے میوزیم دبئی میں مفت داخلہ
ایمریٹس مسافروں کے لیے دوسرا خصوصی تجربہ آرٹے میوزیم دبئی کا مفت دورہ ہے، جو یو اے ای کے جدید ترین ڈیجیٹل آرٹ اسپیسز میں سے ایک ہے۔ یہ میوزیم روشنی، صوتی مناظر، ڈیجیٹل اسکیپس اور خوشبوؤں کے امتزاج سے ایک منفرد ماحول تخلیق کرتا ہے جسے منتظمین “آرٹ اور جذبات کی ملٹی سینسری جرنی” قرار دیتے ہیں۔
ایمریٹس کا کہنا ہے کہ اس میوزیم کو آفر میں شامل کرنے کا مقصد دبئی کی بڑھتی ہوئی تخلیقی اور ثقافتی اہمیت کو اجاگر کرنا ہے، کیونکہ شہر روایتی سیاحت سے آگے بڑھ کر آرٹ اور جدید تجربات کا مرکز بنتا جا رہا ہے۔
ایمریٹس کی دیگر پیشکشیں
ایئرلائن کی سردیوں کی پیشکش کے ساتھ ساتھ My Emirates Pass بھی جاری ہے، جو بورڈنگ پاس کو ایک سٹی وائیڈ ڈسکاؤنٹ کارڈ میں تبدیل کر دیتا ہے۔ یہ کارڈ 700 سے زائد ریستورانوں، شاپنگ آؤٹ لیٹس، سیاحتی مقامات اور تفریحی مراکز میں رعایت فراہم کرتا ہے۔
ایمریٹس اسکائی وارڈز کے ممبران بھی اپنی میلز مختلف عالمی اور مقامی پارٹنرز کے ساتھ استعمال کر سکتے ہیں، جن میں دبئی ڈیوٹی فری، دبئی مال، عربین ایڈونچرز اور ایمریٹس ہالیڈیز شامل ہیں۔ اسکائی وارڈز ممبران کو ایمریٹس کی پروازوں میں مفت وائی فائی کی سہولت بھی فراہم کی جاتی ہے۔
