خلیج اردو
دبئی کی Roads and Transport Authority (RTA) نے آئندہ پانچ برس کے دوران سافٹ موبیلیٹی نیٹ ورک کو وسعت دینے کے منصوبے کی منظوری دے دی ہے، جس کے تحت 2030 تک دبئی کے 25 رہائشی علاقوں اور 63 میٹرو و بس اسٹیشنز کے اطراف پیدل چلنے، سائیکل چلانے اور ای اسکوٹر استعمال کرنے والوں کے لیے جدید سہولیات فراہم کی جائیں گی۔
منصوبے کے پہلے مرحلے میں Dubai Marina، Naif، Al Rigga، Al Murar اور Al Muraqqabat میں واک ویز، سائیکل ٹریکس اور پیدل چلنے والوں کے لیے محفوظ راستے بنائے جا رہے ہیں۔
منصوبے کے تحت میٹرو اور بس اسٹیشنز کے اطراف کشادہ فٹ پاتھ، سایہ دار واک ویز، محفوظ پیدل کراسنگ، سائیکل پارکنگ، پک اینڈ ڈراپ ایریاز اور ای اسکوٹر و شیئرڈ بائیک سروسز کے لیے مخصوص مقامات قائم کیے جائیں گے تاکہ شہری آسانی سے اپنی منزل تک پہنچ سکیں۔
RTA کے مطابق اس منصوبے کا مقصد شہریوں کو نجی گاڑیوں کے بجائے پبلک ٹرانسپورٹ استعمال کرنے کی ترغیب دینا ہے، جبکہ سفر کے ابتدائی اور آخری مرحلے کو زیادہ محفوظ، آسان اور آرام دہ بنانا بھی اس کا اہم حصہ ہے۔
اتھارٹی کے اعداد و شمار کے مطابق 2025 کے دوران دبئی میں 342 ملین پیدل سفر، 57.3 ملین سائیکل سفر اور 39.6 ملین ای اسکوٹر ٹرپس ریکارڈ کیے گئے، جو متبادل سفری ذرائع کی بڑھتی ہوئی مقبولیت کو ظاہر کرتے ہیں۔
RTA کے ڈائریکٹر جنرل Mattar Al Tayer نے کہا کہ یہ منصوبہ دبئی کو دنیا کے بہترین رہائشی شہروں میں شامل رکھنے، پائیدار ٹرانسپورٹ کو فروغ دینے اور Dubai 2040 Urban Master Plan کے اہداف کے حصول میں اہم کردار ادا کرے گا۔
منصوبے کے تحت 2030 تک مجموعی طور پر 34 رہائشی علاقوں کو سافٹ موبیلیٹی نیٹ ورک سے منسلک کیا جائے گا، جبکہ خصوصی افراد (People of Determination) کے لیے بھی جدید اور قابل رسائی سہولیات شامل کی جائیں گی۔
