خلیج اردو
قاہرہ:
مصر کے معروف گلوکار اسماعیل اللَیثی ایک ٹریفک حادثے میں جاں بحق ہو گئے۔ مقامی پولیس کے مطابق حادثہ رات گئے اُس وقت پیش آیا جب ان کی کار تیز رفتاری کے باعث بے قابو ہو کر سڑک کے کنارے سے ٹکرا گئی۔ حادثہ اتنا شدید تھا کہ موقع پر ہی ان کی موت واقع ہو گئی۔
اطلاعات کے مطابق ریسکیو ٹیم نے فوری طور پر جائے حادثہ پہنچ کر ان کی میت اسپتال منتقل کی جہاں ڈاکٹروں نے ان کے انتقال کی تصدیق کر دی۔ اسماعیل اللَیثی مصری موسیقی کی دنیا میں ایک مقبول نام تھے اور ان کی اچانک موت نے مداحوں اور شوبز انڈسٹری کو گہرے صدمے سے دوچار کر دیا۔
قریبی ساتھی فنکاروں نے اس افسوسناک واقعے پر دکھ کا اظہار کرتے ہوئے کہا کہ اسماعیل اللَیثی اپنی آواز اور انداز کے سبب فنی دنیا میں منفرد مقام رکھتے تھے، ان کا خلا مدتوں پورا نہیں ہوگا۔ اہل خانہ نے عوام سے مرحوم کے لیے دعا کی درخواست کی ہے۔
