خلیج اردو
دبئی: متحدہ عرب امارات کے 23 سالہ نوجوان مرِدل منوج نے ثابت کر دیا کہ مستقل مزاجی اور عزم عمر یا حالات کے محتاج نہیں۔ وہ گزشتہ چھ سال سے روزانہ دوڑ رہے ہیں — بغیر ایک دن کا وقفہ لیے۔ یہ دوڑ اب 2000 دن کا ریکارڈ بن چکی ہے۔
مرِدل منوج نے اپنی دوڑ کا آغاز 20 نومبر 2019 کو کیا تھا۔ اس وقت وہ ایک پیشہ ور کرکٹر تھے اور دلچسپ بات یہ ہے کہ وہ دوڑنے سے خوفزدہ رہتے تھے۔ ان کے بقول، "میں دوڑنے سے ڈرتا تھا۔ مگر چونکہ میں ایک کھلاڑی تھا، وارم اپ لازمی تھا، اس لیے بھاگنا پڑتا تھا۔” رفتہ رفتہ یہی عمل ان کی زندگی کا روزمرہ بن گیا۔
مرِدل کا کہنا ہے کہ ان کے لیے دوڑنا اب جسمانی مشق سے بڑھ کر ایک ذہنی سکون بن چکا ہے۔ وہ نہ کسی بڑی فلسفیانہ گفتگو میں پڑتے ہیں، نہ خود کو کسی غیر معمولی مقصد سے جوڑتے ہیں۔ وہ بس جانتے ہیں کہ ان کی کہانی دوسروں کے لیے تحریک کا ذریعہ بن سکتی ہے۔
ان کا کہنا ہے کہ وہ گرمیوں کی تپش، سردیوں کی یخ بستگی، اور کبھی کبھار کے درد کے باوجود دوڑنے کا عزم نہیں توڑتے۔ ان کے بقول، "دوڑنا اب میری شناخت ہے، ایک عادت جو نظم، صبر اور استقامت سکھاتی ہے۔”
