خلیج اردو
ابو ظہبی: 74ویں مسز یونیورس پیجینٹ کے آغاز پر ہی تنازعہ کھڑا ہو گیا جب میزبان اور شرکاء کے درمیان تلخ تبادلۂ خیال ہوا۔ مسز یونیورس تھائی لینڈ کے قومی ڈائریکٹر نوات اِتسارگریسل نے تقریب کے آغاز سے قبل ساشنگ سیرمونی کے دوران ایک متنازعہ ریمارک دے دیا جس پر میکسیکو کی نمائندہ فاطمہ بوش اور دیگر مقابلہ کنندگان نے احتجاج کیا اور واک آؤٹ کر دیا۔
نوات نے فاطمہ کو مخاطب کرتے ہوئے کہا، "اگر آپ اپنے قومی ڈائریکٹر کے احکامات پر عمل کرتی ہیں تو آپ بیوقوف ہیں”۔ فاطمہ نے جواب دیا کہ وہ اپنی آواز استعمال کرنا چاہتی ہیں، جس پر نوات نے سیکورٹی کو طلب کر کے انہیں باہر نکالنے کا حکم دیا۔ اس واقعے پر دیگر مقابلہ کنندگان، بشمول موجودہ مسز یونیورس وکٹوریا کیجر تھیلویگ، نے واک آؤٹ کیا اور اظہارِ تشویش کیا کہ اس طرح کسی خاتون کے ساتھ سلوک ناقابلِ قبول ہے۔
فاطمہ نے کہا، "ہم سب بااختیار خواتین ہیں اور یہ پلیٹ فارم ہماری آواز کے لیے ہے۔”
واقعات کے بعد نوات اِتسارگریسل نے پریس کانفرنس میں معافی مانگی اور کہا کہ ان کا مقصد کسی کو نقصان پہنچانا نہیں تھا اور اگر کسی کو تکلیف پہنچی تو وہ دل کی گہرائیوں سے معذرت خواہ ہیں۔
