خلیج اردو
ابو ظہبی کے حبشان گیس فسیلیٹیز اور باب فیلڈ میں میزائل کے ملبے کے گرنے سے دو حادثات پیش آئے ہیں، جس کی تصدیق اماراتی میڈیا آفس نے جمعرات کی صبح کی۔
ابو ظہبی حکام ان دونوں حادثات کا فوری طور پر جواب دے رہے ہیں اور گیس فسیلیٹیز کو بند کر دیا گیا ہے۔ خوش قسمتی سے کسی کے زخمی ہونے کی اطلاع نہیں ہے۔
اماراتی حکام نے عوام سے ایک بار پھر کہا ہے کہ معلومات کے لیے صرف سرکاری ذرائع پر بھروسہ کریں اور افواہیں یا غیر مصدقہ خبروں کی ترویج سے گریز کریں۔
متحدہ عرب امارات کے وزارت خارجہ نے بیان میں ایرانی دہشت گردانہ حملے کی شدید مذمت کی، جس میں حبشان گیس فسیلیٹی اور باب فیلڈ کو نشانہ بنایا گیا۔
وزارت نے کہا کہ یہ حملے علاقائی سلامتی اور استحکام کے لیے براہِ راست خطرہ ہیں اور عالمی توانائی کی سلامتی کو بھی متاثر کرتے ہیں۔
وزارت خارجہ نے مزید کہا کہ متحدہ عرب امارات اپنے خودمختاری، قومی سلامتی اور مفادات کے تحفظ کے لیے تمام ضروری اقدامات کرنے کا مکمل حق محفوظ رکھتا ہے۔
