خلیج اردو
دبئی: ایک عرب ملک سے تعلق رکھنے والے پائلٹ کو ریسٹورنٹ کے دو ملازمین کی جانب سے تشدد اور بدکلامی کا نشانہ بنائے جانے کے بعد 55 ہزار درہم ہرجانے کی رقم ادا کرنے کا حکم دیا گیا ہے۔ پائلٹ نے جسمانی اور ذہنی اذیت کے ازالے کے لیے 66 لاکھ درہم ہرجانے کا مقدمہ دائر کیا تھا۔
عدالتی دستاویزات کے مطابق واقعہ اس وقت پیش آیا جب پائلٹ ایک ہوٹل کے اندر واقع ریسٹورنٹ میں کھانا کھا رہا تھا۔ اسی دوران اس کا دو ملازمین سے زبانی جھگڑا ہوا جو جسمانی تصادم میں تبدیل ہوگیا۔ ملازمین نے مبینہ طور پر نازیبا الفاظ استعمال کیے اور سخت چیز سے وار کیا جس کے نتیجے میں پائلٹ کو کھوپڑی میں فریکچر، دماغی چوٹ اور سر کے اندر ہوا بھر جانے کی شکایت ہوئی۔ فرانزک رپورٹ کے مطابق یہ زخم اسے بیس دن سے زائد عرصے تک معذوری کی حالت میں رکھنے کے لیے کافی تھے۔
