دبئی: سعودی عرب کی وزارت برائے انسانی وسائل و سماجی ترقی نے اعلان کیا ہے کہ 18 مارکیٹنگ اور سیلز کے پیشوں میں سعودی شہریوں کے لیے روزگار کی شرح 60 فیصد کر دی گئی ہے، تاکہ مقامی شہریوں کے لیے روزگار کے مواقع بڑھائے جا سکیں۔
پرائیویٹ سیکٹر کی کمپنیوں میں جہاں تین یا اس سے زیادہ ملازمین ہیں، انہیں مارکیٹنگ کے شعبوں میں 60 فیصد سعودی عملہ رکھنے کی شرط ہوگی۔ اس میں مارکیٹنگ اور ایڈورٹائزنگ مینیجرز، ایڈورٹائزنگ ایجنٹس، مارکیٹنگ اسپیشلسٹ، گرافک اور ایڈورٹائزنگ ڈیزائنرز، پبلک ریلیشنز پروفیشنلز اور فوٹوگرافر شامل ہیں۔ ان ملازمتوں کے لیے کم از کم ماہانہ تنخواہ 5,500 ریال مقرر کی گئی ہے اور یہ تین ماہ بعد نافذ العمل ہوگی۔
اسی طرح، سیلز کے شعبے میں بھی 60 فیصد سعودی عملہ لازمی ہوگا، جس میں سیلز مینیجرز، ریٹیل اور وہول سیلز ریپریزنٹیٹوز، آئی ٹی اور کمیونیکیشن آلات کے سیلز اسپیشلسٹ اور کمرشل اسپیشلسٹ شامل ہیں۔ نئی پالیسی تین ماہ کی رعایتی مدت کے بعد نافذ ہوگی۔
وزارت کا کہنا ہے کہ یہ اقدامات مقامی ملازمت کے مواقع کو بہتر بنانے، اعلی معیار کی ملازمتیں پیدا کرنے اور سعودی شہریوں کے لیے روزگار کی استحکام کو فروغ دینے کے لیے کیے گئے ہیں۔
