خلیج اردو
شارجہ اکیڈمی برائے فلکیات، خلائی علوم و ٹیکنالوجی (SAASST) نے فلکیاتی حسابات کے بعد اعلان کیا ہے کہ منگل 17 فروری 2026 کی شام رمضان المبارک کا چاند نظر آنا ممکن نہیں ہوگا۔
اکیڈمی کے مطابق نیا چاند منگل کو یو اے ای وقت کے مطابق شام 4 بج کر 01 منٹ پر پیدا ہوگا، جبکہ شارجہ میں یہ لمحہ شام 5 بج کر 52 منٹ ہوگا۔ غروبِ آفتاب کے وقت چاند کی عمر صرف 2 گھنٹے 14 منٹ ہوگی اور چاند سورج سے چند سیکنڈ پہلے غروب ہو جائے گا۔
ماہرین کا کہنا ہے کہ ایسے حالات میں چاند نہ صرف ننگی آنکھ بلکہ طاقتور دوربینوں سے بھی نظر آنا ناممکن ہے، اور یہ صورتحال صرف یو اے ای نہیں بلکہ اسلامی دنیا کے بیشتر حصوں میں یکساں رہے گی۔
البتہ بدھ 18 فروری کی شام چاند کی عمر 26 گھنٹے سے زائد ہوگی اور اس کی بلندی تقریباً 12 ڈگری تک پہنچ جائے گی، جو واضح رویت کے لیے موزوں حالات ہیں، بشرطیکہ موسم صاف ہو۔
اکیڈمی کے اندازے کے مطابق بصری رویت پر انحصار کرنے والے ممالک میں رمضان المبارک کا آغاز جمعرات 19 فروری 2026 کو متوقع ہے، جبکہ بعض ممالک فلکیاتی حسابات کی بنیاد پر بدھ 18 فروری سے بھی روزے شروع کر سکتے ہیں۔
