متحدہ عرب امارات میں ٹریفک جرمانہ کی ادائیگی کیلئے نئی سروس کا اعلان

خیج اردو: راس الخیمہ پولیس نے ٹریفک جرمانوں کی قسط وار ادائیگی کیلئے نئی سروس شروع کرنے کا اعلان کردیا۔

صارفین اب نیشنل بینک آف راس الخیمہ، فرسٹ ابوظہبی بینک، کمرشل بینک آف دبئی، اور امارات اسلامی بینک کے ذریعے منظور شدہ بینکوں کے ذریعے صفر سود کے ساتھ اقساط میں جرمانے ادا کر سکتے ہیں۔

صارفین کو چاہیے کہ وہ بینک سے پری پیڈ کارڈ کی درخواست کریں، اس کے ذریعے جرمانے ادا کریں، اور پھر بینک کو مطلع کریں کہ ادائیگی کا عمل ختم ہو گیا ہے تاکہ واجب الادا رقم کی قسطوں کا بندوبست کیا جا سکے۔

یہ نئی سروس ٹریفک کی خلاف ورزیوں پرلگنے والے جرمانوں پر 50% ڈسکاؤنٹ پلان کی توسیع کیساتھ 17 جنوری کو ختم ہونے والی ہے۔

راس الخیمہ پولیس نے 5 دسمبر 2021 کو متحدہ عرب امارات کے 50 ویں یونین ڈے کے موقع پر اس رعایتی اقدام کا آغاز کیا، تاکہ صارفین پر بوجھ کو کم کیا جاسکے اور وہ خوش بھی ہوجائیں

راس الخیمہ پولیس نے تصدیق کی کہ یہ کمی اور قسطوں کا نظام خلاف ورزی کرنے والے موٹرسوروں کو بہت سہولت فراہم کرے گا، جو جمع شدہ خلاف جرمانوں کی وجہ سے بڑی رقم خرچ کرتے ہیں۔

راس الخیمہ پولیس نے گاڑی چلانے والوں پر زور دیا کہ وہ ٹریفک کے ضوابط اور قوانین کی پابندی کریں اور سڑکوں پر، اندرونی اور بیرونی دونوں جگہوں پر رفتار کی حد کی پابندی کریں، تاکہ سڑک کی حفاظت کو کنٹرول کرنے کے لیے وزارت داخلہ کی حکمت عملی کو نافذ کیا جا سکے۔