خلیج اردو
متحدہ عرب امارات کے قومی مرکز برائے موسمیات کے مطابق آج جمعہ کے روز ملک بھر میں موسم عمومی طور پر صاف رہے گا، تاہم بعض اوقات مطلع جزوی ابر آلود رہنے کا امکان ہے۔ مشرقی ساحلی علاقوں میں ہلکے بادل بھی نمودار ہو سکتے ہیں۔
محکمہ موسمیات نے پیش گوئی کی ہے کہ رات اور ہفتہ کی صبح کے اوقات میں فضا میں نمی بڑھ جائے گی، جس کے باعث بعض ساحلی اور اندرونی علاقوں میں دھند بننے کا امکان ہے۔
آج ابوظہبی اور دبئی میں زیادہ سے زیادہ درجہ حرارت 40 ڈگری سینٹی گریڈ جبکہ شارجہ میں 41 ڈگری سینٹی گریڈ تک پہنچنے کی توقع ہے۔ کم سے کم درجہ حرارت ابوظہبی میں 30 ڈگری جبکہ دبئی اور شارجہ میں 31 ڈگری سینٹی گریڈ رہنے کا امکان ہے۔
ہوا میں نمی کا تناسب دبئی میں 25 سے 90 فیصد، ابوظہبی میں 20 سے 85 فیصد اور شارجہ میں 20 سے 80 فیصد کے درمیان رہنے کی پیش گوئی کی گئی ہے۔
محکمہ موسمیات کے مطابق جنوب مغرب سے شمال مغرب کی سمت چلنے والی ہلکی سے معتدل ہوائیں بعض اوقات تیز ہو سکتی ہیں، جن کی رفتار 10 سے 25 کلومیٹر فی گھنٹہ جبکہ بعض مقامات پر 35 کلومیٹر فی گھنٹہ تک پہنچ سکتی ہے۔
