خلیج اردو
ایران پر امریکی اور اسرائیلی حملے تیز ہو گئے ہیں، اسرائیل نے ایران کے سب سے بڑے جنوبی پارس گیس فیلڈ اور قریبی تیل و پیٹروکیمیکل تنصیبات کو جدید میزائلوں سے نشانہ بنایا۔ حملوں میں امریکی بی-52 طیاروں نے آبنائے ہرمز کے قریب کروز میزائل ذخائر اور زیرِ زمین لانچنگ پیڈز پر شدید بمباری کی، جس میں 9,000 کلو وزنی بیکربسٹر بم استعمال کیے گئے۔
حملوں کے نتیجے میں گیس فیلڈز اور توانائی تنصیبات کو شدید نقصان پہنچا، کئی شہروں میں بجلی اور گیس کی فراہمی معطل ہوگئی جبکہ لاکھوں ایرانی محفوظ مقامات کی جانب منتقل ہونے پر مجبور ہوئے۔ اقوام متحدہ کے ابتدائی اعداد و شمار کے مطابق اب تک 1,400 سے زائد ایرانی شہری جاں بحق ہو چکے ہیں۔
ایران نے شدید ردعمل ظاہر کرتے ہوئے سعودی عرب، قطر اور متحدہ عرب امارات میں تیل تنصیبات کے قریب رہنے والوں کو فوری علاقہ خالی کرنے کی ہدایت جاری کی، اور خبردار کیا کہ اگر دشمن کے حملے جاری رہے تو ایران توانائی اور اقتصادی بنیادی ڈھانچے پر طاقتور جوابی کارروائی کرے گا۔
یہ حملے ایران کی معیشت اور شہری زندگی پر تباہ کن اثرات مرتب کر رہے ہیں اور خطے میں توانائی اور سکیورٹی کے خطرات کو بڑھا رہے ہیں۔
