خلیج اردو
سٹیٹ بینک کے مطابق فروری 2026 میں پاکستان کا کرنٹ اکاؤنٹ سرپلس بڑھ کر 427 ملین ڈالر تک پہنچ گیا، جس سے ملکی مالیاتی صورتحال میں نمایاں بہتری دیکھی گئی۔ مالی سال 2026 کے ابتدائی مہینوں میں کرنٹ اکاؤنٹ میں خسارہ دیکھنے میں آیا تھا، تاہم حالیہ مہینوں میں صورتحال مستحکم ہوئی ہے۔
معاشی ماہرین کے مطابق یہ پیش رفت بیرونی ادائیگیوں کے دباؤ کو کم کرنے اور ملکی معیشت کی پائیداری میں معاون ثابت ہو سکتی ہے۔ اعداد و شمار کے مطابق، بیرونِ ملک مقیم پاکستانیوں کی جانب سے بھیجی جانے والی ترسیلات زر اس بہتری کا اہم سبب ہیں، جو مالی سال 2026 کے دوران اب تک 23 ارب ڈالر سے تجاوز کر چکی ہیں۔
ماہرین کا کہنا ہے کہ اگر ترسیلات زر اور برآمدات کا یہ رجحان جاری رہا تو پاکستان کی مالی پوزیشن مزید مستحکم ہو سکتی ہے اور کرنٹ اکاؤنٹ کے دباؤ میں کمی واقع ہوگی۔
