خلیج اردو
نوبل انعام یافتہ سماجی کارکن ملالہ یوسف زئی نے اقوام متحدہ میں خطاب کرتے ہوئے ایران، غزہ اور افغانستان میں بچوں پر جاری مظالم پر گہری تشویش کا اظہار کیا ہے۔
ملالہ نے کہا کہ ایران میں کئی خاندان اپنی بیٹیوں کو سکول بھیج کر واپس نہیں دیکھ سکے، جبکہ غزہ میں والدین نے اپنے بچوں کو ملبے تلے دفن ہوتے دیکھا۔ افغانستان میں لڑکیاں برسوں سے طالبان کے ظالمانہ حالات کا سامنا کر رہی ہیں۔
انہوں نے زور دیا کہ حقیقی انصاف وہی ہے جو ہر جگہ بچوں کی انسانی حیثیت اور حقوق کا یکساں تحفظ کرے، اور انصاف کبھی بھی منتخب یا مخصوص جگہوں تک محدود نہیں ہونا چاہیے۔
ملالہ یوسف زئی کے مطابق عالمی برادری کی ذمہ داری ہے کہ بچوں کی حفاظت کے لیے یکساں اقدامات کرے اور ہر خطے میں ان کے بنیادی حقوق یقینی بنائے جائیں۔
