خلیج اردو
کیو – روس نے یوکرین پر اب تک کا سب سے بڑا فضائی حملہ کر دیا جس کے نتیجے میں تین بچوں سمیت کم از کم 14 افراد ہلاک اور درجنوں زخمی ہو گئے۔ یوکرینی فضائیہ نے دعویٰ کیا ہے کہ حملے میں مجموعی طور پر 367 مختلف اقسام کے میزائل، ڈرونز اور یو اے ویز استعمال کیے گئے۔
عالمی ذرائع ابلاغ کے مطابق روسی حملے کا ہدف دارالحکومت کیو سمیت یوکرین کے کئی بڑے شہر تھے۔ حملے کے دوران شدید دھماکوں اور آگ بھڑکنے کے مناظر بھی سامنے آئے ہیں۔
یوکرینی صدر ولادیمیر زیلنسکی نے اپنے سخت ردعمل میں کہا کہ روسی قیادت کو روکنے کے لیے سخت بین الاقوامی دباؤ ناگزیر ہو چکا ہے۔ انہوں نے کہا کہ ’’امریکہ کی خاموشی ولادیمیر پیوٹن کی حوصلہ افزائی کرے گی۔‘‘ زیلنسکی کا کہنا تھا کہ ان کا بیان امریکی صدر جو بائیڈن پر دباؤ ڈالنے کی کوشش ہے جنہوں نے ماضی میں کہا تھا کہ پیوٹن جنگ کا خاتمہ چاہتے ہیں، لیکن روس ہر روز جنگ کو طول دے رہا ہے اور شہریوں کو مار رہا ہے۔
واضح رہے کہ روسی صدر ولادیمیر پیوٹن نے فروری 2022 میں یوکرین پر حملے کا آغاز کیا تھا اور اب تک یوکرین کے تقریباً بیس فیصد علاقے پر روسی قبضہ ہو چکا ہے۔
