سنیئربھارتی اداکارہ مبینہ طور پر بیٹے کے ہاتھوں قتل، لاش دریا سے ملی

خلیج اردو

ممبئی:ممبئی میں رپورٹ شدہ ایک چونکا دینے والے واقعے میں انکشاف ہوا ہے کہ معروف بھارتی اداکارہ کو مبینہ طور پر اس کے بیٹے نے جائیداد کے تنازع پر قتل کر دیا ہے۔

 

واقعہ ولے پارلے کے پڑوس میں پیش آیا جہاں اطلاعات کے مطابق 43 سالہ شخص نے مبینہ طور پر بیس بال کے بلے سے اپنی 74 سالہ ماں کے سر پر بار بار مار کر اسے تشدد سے ہلاک کیا اور ان کی لاش کو دریا میں پھینک دیا۔متوفی کی شناخت ٹی وی اداکارہ وینا کپور کے طور پر ہوئی ہے۔

 

جوہو پولیس نے قتل کے سلسلے میں مقتول کے بیٹے سچن کپور اور نوکر چھوٹو عرف لالو کمار منڈل کو گرفتار کرکے تفتیش شروع کی ہے۔

 

 

پولیس کے مطابق منگل کی رات کلپتارو سوسائٹی کے سیکورٹی سپروائزر نے جوہو پولیس سے رابطہ کیا اور بتایا کہ عمارت سے ایک معمر خاتون لاپتہ ہوگئی ہے۔

 

شکایت درج ہونے کے فوراً بعد پولیس نے تحقیقات شروع کردی۔ متوفی کا موبائل لوکیشن اس کی عمارت کے قریب سے ملا ہے، جب کہ اس کے بیٹے کا موبائل لوکیشن پنویل میں ہے۔

 

اگلے دن پولیس نے بیٹے اور نوکر کو پوچھ گچھ کے لیے بلایا جس کے دوران انہوں نے اعتراف جرم کر لیا۔

 

تفتیش کے دوران، ملزم سچن کپور نے انکشاف کیا کہ اس نے غصے میں آکر اپنی ماں کو بیس بال کے بلے سے سر پر کئی بار مارنے کے بعد قتل کر دیا۔ ملزم نے بتایا کہ ان کے درمیان جائیداد کا تنازع چل رہا تھا، جس کی وجہ سے جس نے اس جرم کا ارتکاب کیا اور اس کی لاش کو رائے گڑھ ضلع میں ایک ندی میں پھینک دیا.

 

وینا کپور کا بڑا بیٹا امریکہ میں رہتا ہے۔ پولیس نے ملزمان کے خلاف تعزیرات ہند کی دفعہ 302,201 اور 34 کے تحت مقدمہ درج کیا ہے۔مزید تفتیش جاری ہے۔

 

Source: Khaleej Times