ماسکو: روس میں جمعہ کے روز 232 کورونا وائرس سے اموات میں اضافہ ریکارڈ کیا گیا – ماسکو حکام نے اموات کے اعداد و شمار جاری کیے ہیں۔
صحت کے حکام نے مجموعی طور پر 4،374 اموات اور 387،623 کیسز رپورٹ کیے جو امریکہ اور برازیل کے بعد دنیا میں انفیکشن کی تیسری سب سے زیادہ تعداد ہیں۔
ایک سرکاری اعدادوشمار کے مطابق ، نئے کیسز کی تعداد کے لگاتار چھٹے روز 9،000 سے کم رہی- مجموعی طور پر 159،257 افراد صحتیاب ہوچکے ہیں۔
حکام نے گذشتہ ماہ کے مقابلے میں مئی میں ہلاکتوں کی تعداد میں اضافہ ہونے کی پیش گوئی کی ہے ، اور اس کی وجہ کئی ہفتوں قبل اس وبائی بیماری کے دوران اسپتال میں داخل مریضوں میں ہونے والی اموات کو قرار دیا گیا ہے۔
ماسکو – روس کا سب سے زیادہ متاثرہ شہر ہے – ماسکو میں 2،332 نئے کیسز رپورٹ ہوئے ہیں-
دارالحکومت میں عہدے داروں نے جمعرات کے روز اموات کے اعدادوشمار کی تفصیلات اپریل میں جاری ہونے والے ان دعوؤں کوختم کرنے کے لئے جاری کی ہیں –
صحت کے عہدیداروں نے بتایا کہ گذشتہ ماہ ماسکو میں کورونا وائرس کی وجہ سے مجموعی طور پر 636 افراد لقمہ اجل بنے تھے-
ماسکو کے محکمہ صحت نے یہ بھی بتایا کہ 756 افراد کی اموات کورونا وائرس کے علاوہ دوسری وجوہات کی وجہ سے ہوئیں-
حکام نے بتایا کہ ان میں سے 360 کیسز میں ، وائرس کی وجہ سے مریض کی بنیادی صحت کی پیچیدگیاں بڑھ گئیں تھیں۔
اس کے علاوہ ، پوسٹ مارٹم کے ذریعے 169 کیسز میں وائرس کے منفی ہونے کی تصدیق ہوئی-
عہدیداروں نے بتایا کہ ان اعدادوشمار کی بنیاد پر اپریل میں کورونا وائرس کے سلسلے میں روسی دارالحکومت میں مجموعی طور پر 1،561 افراد ہلاک ہوئے تھے ، انہوں نے مزید کہا کہ یہ تعداد نیویارک اور لندن میں ہلاکتوں کی تعداد کے مقابلے میں "بلا شبہ کم” ہے۔
روس کا کہنا ہے کہ بہت سارے اسے کیسز کی نشاندہی کی گئی ہے جن میں ہلکی یا کوئی علامات موجود نہیں ہیں۔
Source : Gulf News
29 May 2020
