خلیج اردو: COVID-19 کے احتیاطی اقدامات کی خلاف ورزی کرنے پر ابوظہبی امارت میں مجموعی طور پر 354 تجارتی ادارے بند کردیئے گئے ہیں۔
ابو ظہبی محکمہ اقتصادی ترقی (ابو ظہبی ڈی ای ڈی) نے باقاعدگی سے معائنہ کے دوران خلاف ورزیوں یا کوویڈ 19 کے بڑھتے کیسز کا پتہ چلنے کے بعد یہ بندش نافذ کی تھی۔
ابوظہبی ڈی ای ڈی نے کہا کہ ملازمین میں کوویڈ 19 کے کیسز کی نشاندہی کی وجہ سے 325 بندشیں عمل میں لائی گئیں ہیں ، اور یہ کہ 29 بندشیں کوویڈ 19 کے حفاظتی اقدامات کی خلاف ورزی کی وجہ سے عمل میں لائی گئیں۔
کاروبار کے مالک کا کردار
اتھارٹی نے اس بات پر بھی زور دیا ہے کہ کاروباری مالکان COVID-19 کے پھیلاؤ کو روکنے کو یقینی بنانے کے لئے لازمی کردار ادا کریں ، کیونکہ COVID-19 کی روک تھام کے اقدامات کے بعد امارت میں معاشی سرگرمیاں معمول پر آسکیں گی۔
