چار عمانی شہری سیلاب زدہ وادی عبور کرنے کی کوشش میں سیلاب میں بہہ گئے۔

خلیج اردو: رائل عمان پولیس (ROP) نے سات عمانی شہریوں کو "جان بوجھ کر” سیلاب زدہ وادیوں کوعبور کرنے اور اپنی جانوں کو خطرے میں ڈالنے پر گرفتار کرلیا۔

اتوار کو جاری کردہ ایک بیان میں عمانی پولیس نے کہا کہ گرفتار کیے گئے افراد میں سے چار ولایت رستاق میں ہیں۔

رستاق کی ولایت میں وادی بنی غفر کے علاقے میں اپنے 4WD میں سیلاب زدہ وادی کو عبور کرتے ہوئے ان کی ایک ویڈیو بھی سوشل میڈیا پر وائرل ہوگئی ہے۔ پولیس نے کہا کہ ان افراد نے خود کو خطرے سے دوچار کیا ہے سو ان کے خلاف جوڈیشل حکام کے حوالے کرنے کے لیے قانونی کارروائی مکمل کی جا رہی ہے۔

عمانی پولیس نے کہا کہ انہوں نے اتوار کی شام رستاق کی ولایت میں وادی الساحتان کو "جان بوجھ کر” عبور کرنے پر مزید تین شہریوں کو بھی گرفتار کیا ہے۔

نیشنل ارلی وارننگ سینٹر کی طرف سے موسم کی تازہ ترین پیشین گوئی کیمطابق اومان کو بھارت میں کم دباؤ کا سامنا کرنا پڑے گا، گھنے بادلوں کے ساتھ آسمان کے ابر آلود ہونے کی پیش گوئی کی گئی ہے۔

عمان کے محکمہ موسمیات نے اطلاع دی ہے کہ ملک کے شمالی حصوں میں منگل اور بدھ کو ہوا کے کم دباؤ کے پیش نظر شدید بارشوں کے امکانات دیکھنے کو ملیں گے۔

سول ایوی ایشن اتھارٹی (سی اے اے) نے عوام سے "زیادہ سے زیادہ احتیاط کرنے اور چوکنا رہنے” کی اپیل کی ہے۔

سی اے اے نے کہا کہ منگل اور بدھ کو 20 سے 100 ملی میٹر کی حد میں بھاری بارش متوقع ہے۔