صدر مملکت نے ایک خط میں وزیر اعظم سے کہا ہے کہ توہین عدالت سمیت مزید پیچیدگیوں سے بچنے کیلئے وزیر اعظم وفاقی اور صوبائی حکومتوں کے متعلقہ حکام کو پنجاب اور خیبرپختونخوا میں مقررہ وقت میں عام انتخابات کیلئے الیکشن کمیشن کی معاونت کی ہدایت کریں۔ میری رائے میں ایگزیکٹو اتھارٹیز اور سرکاری محکموں نے آئین کی کھلم کھلا خلاف ورزی کی ہے ۔
صدر مملکت ڈاکٹر عارف علوی کا وزیر اعظم کو خط، وزیر اعظم سے کہا ہے کہ ملک میں جاری انسانی حقوق کی پامالی قابل تشویش ہے۔ وزیراعظم وفاقی اور
صوبائی حکومتوں کے تمام متعلقہ انتظامی حکام کو انسانی حقوق کی پامالی سے باز
رہنے کی ہدایت کریں۔۔صدر نے لکھا ہے کہ ماضی قریب میں پرنٹ،
الیکٹرانک اور سوشل میڈیا نے بنیادی اور انسانی حقوق کی واضح خلاف ورزیوں
کے واقعات کو اجاگر کیا، ایسے واقعات کے تدارک اور اصلاح کیلئے انہیں
وزیراعظم کے نوٹس میں لانے کی ضرورت تھی ۔
صدر مملکت نے خط میں لکھاکہ لگتا ہے کہ پنجاب اور خیبر پختونخوا میں وفاقی اور نگراں حکومتوں نے متعلقہ محکموں کے سربراہان کو عام انتخابات کے انعقاد کیلئے ضروری تعاون فراہم کرنے سے معذوری ظاہر کرنے کا کہا،جو بادی النظر میں آئین کی خلاف ورزی ہے۔
خط کے متن کے مطابق الیکشن کمیشن نے 30 اپریل کو پنجاب میں عام انتخابات کے انعقاد کے اعلان پر عمل نہیں کیا ، سپریم کورٹ کے حکم کی کھلی خلاف ورزی کی، اور تشویشناک بات ہے کہ وزیراعظم کی جانب سے
آرٹیکل 46 اور رولز آف بزنس کے تحت صدر کے ساتھ کوئی بامعنی مشاورت نہیں کی گئی وزیر اعظم حکومت کے سربراہ ہونے کے ناطے الیکشن کمیشن کو معاونت فراہم کرنے کی ہدایت کریں ۔
