تیرا وہ پیار یاد آئے گا، گانے والے پاکستانی گلوکار عاصم اظہر اور اس کی منگیتر میرب علی نے راہیں جدا کرلیں

خلیج اردو
کراچی، 12 جون 2025: معروف پاکستانی گلوکار عاصم اظہر اور ان کی منگیتر و اداکارہ میرب علی نے باقاعدہ طور پر علیحدگی کا اعلان کر دیا ہے۔ عاصم اظہر نے انسٹاگرام اسٹوری پر جاری پیغام میں کہا کہ انہوں نے ایک مشترکہ مستقبل کی امید رکھی تھی، لیکن زندگی ہمیشہ ہماری مرضی کے مطابق نہیں چلتی۔

عاصم اظہر نے اپنی اسٹوری میں اس فیصلے کو ذاتی اور باہمی احترام کے دائرے میں رکھتے ہوئے مداحوں سے اس معاملے میں رازداری کا خیال رکھنے کی درخواست کی۔ میرب علی کی جانب سے فوری طور پر کوئی علیحدہ بیان سامنے نہیں آیا۔

یاد رہے کہ عاصم اظہر اور میرب علی کے رشتے کو مداحوں نے سراہا تھا اور دونوں سوشل میڈیا پر ایک ساتھ مختلف مواقع پر نظر آتے رہے ہیں۔ تاہم اب ان کے راستے جدا ہو چکے ہیں، جس پر مداحوں کی جانب سے افسوس کا اظہار کیا جا رہا ہے۔