خلیج اردو
راولپنڈی: تھانہ نصیر آباد میں پولیس کی مدعیت میں ایک مقدمہ درج کیا گیا ہے جس میں لڑکی پر تشدد اور زبردستی بال کاٹنے کا واقعہ شامل ہے۔ پولیس کے مطابق متاثرہ لڑکی ایمان فاطمہ کے بیان پر تین ملزمان کو گرفتار کیا گیا ہے، جن میں نظار خان، محمد انیس اور جلیل خان شامل ہیں جبکہ جبار خان اور کچھ نامعلوم افراد بھی مقدمے میں شامل ہیں۔
مقدمے کے متن کے مطابق واقعہ کرسچن کالونی میں پیش آیا، اور سوشل میڈیا پر ویڈیو وائرل ہوئی جس میں چند افراد ایمان فاطمہ کے بال کاٹتے دکھائی دیے۔ پولیس نے تحقیقات کے دوران تصدیق کی کہ ملزمان نے لڑکی کے بال زبردستی کاٹے اور ویڈیو کو سوشل میڈیا پر شیئر کیا۔ واقعے کی مزید تحقیقات جاری ہیں اور گرفتار ملزمان سے تفتیش کی جا رہی ہے۔
