خلیج اردو
12 ستمبر 2020
بدین: پاکستان پیپلز پارٹی کے چیئرمین اور رکن قومی اسمبلی بلاول بھٹو زرداری اس وقت سوشل میڈیا صارفین کی جانب سے تنقید کی زد میں ہے۔ اس کی وجہ ان کا جمعہ کے روز صوبہ سندھ کے ضلع بدین میں عوام سے خطاب کے دوران وزیر اعظم عمران خان کے مشیر برائے احتساب شہزاد اکبر کیلئے نامناسب زبان کا استعمال ہے۔
بظاہر ضلع بدین میں بارشوں سے متائثرہ علاقوں کا دورہ کرنے والے بلاول بھٹو زرداری جب وہاں جمع ہونے والی عوام سے غیر رسمی خطاب کرنے لگے تو انہوں نے حکومت پر سخت تنقید کی۔ انہوں نے وزیر اعظم کو منافق کہتے ہوئے کہا کہ وزیر اعظم کا اپنے معاون خصوصی اور حزب اختلاف کیلئے الگ الگ رویہ ہے۔
بلاول بھٹو نے نام لیے بغیر کہا کہ وزیر اعظم کا ایک معاون ہے جس کی اسپین میں جائیدادیں ہیں اور وہ اپنی جائیدادوں کے حوالے سے بالکل خاموش ہیں جبکہ وہ اپوزیشن کے رہنماؤں کے اثاثوں کے خلاف ٹی وی پر آکر بھونکتے ہیں۔
"وزیر اعظم منافق ہیں کیونکہ ان کے نزدیک حزب اختلاف اور اسپیشل اسٹنٹس کیلئے الگ الگ قوانین ہیں۔"
چیئرمین پاکستان پیپلز پارٹی بلاول بھٹو زرداری @BBhuttoZardari#1Country2Laws
3/3 pic.twitter.com/pCJzTpuUUD
— PPP (@MediaCellPPP) September 11, 2020
بلاول بھٹو نے وزیر اعظم کے دیگر معاونین کے اثاثوں کا بھی ذکر کیا اور بولے کہ ایک معاون خصوصی ہے اس کی امریکہ اور پتہ نہیں کہاں کہاں جائیدادیں ہیں لیکن جب ان پر الزامات لگتے ہیں اور وہ اپنا استعفیٰ وزیر اعظم کو پیش کرتے ہیں تو وزیر اعظم استعفیٰ مسترد کرتے ہیں اور یہی وہ منافقانہ رویہ ہے جس میں وزیر اعظم اپوزیشن کو الگ اور اپنی ٹیم کو الگ نظر سے دیکھتے ہیں۔
بلاول بھٹو کے اس بیان کے بعد سوشل میڈیا صارفین اس نامناسب زبان کے استعمال پر نالاں ہیں۔
صحافی اور اینکر پرسن منصور علی خان نے لکھا ہے کہ بلاول صاحب، آپ کی والدہ کبھی ایسی زبان استعمال کرنے کا سوچ بھی نہیں سکتی تھیں۔ افسوس ہوا یہ سب سن کے ۔
“ٹی وی پہ آ کے بھونکتا ہے”
بلاول صاحب، آپ کی والدہ کبھی ایسی زبان استعمال کرنے کا سوچ بھی نہیں سکتی تھیں۔ افسوس ہوا یہ سب سن کے۔ pic.twitter.com/I19PamzNpN
— Mansoor Ali Khan (@_Mansoor_Ali) September 12, 2020
مارنگ شو کی میزبان شفا یوسفزائی جو اکثر سوشل میڈیا پر کافی فعال رہتی ہے ، نے کہا کہ بلاول بھٹو عوام کا منتخب نمائندہ اور نوجوان رہبر ہے ان کی جانب سے ایسی زبان کا استعمال قابل مذمت ہے۔
oh my God! What happened to us? Lets please go back to basics first, learn how to speak, what to speak and then try to rule. Bilawal Bhutto is an elected representative & young leader of this country; sad to see what he is teaching to the youth looking up to him 🙁
*Condemnable* https://t.co/2JBNWVyLBa— Shiffa Z. Yousafzai (@Shiffa_ZY) September 11, 2020
سوشل میڈیا ایکٹویسٹ ملیحہ ہاشمی نے لکھا کہ خواتین و حضرات ان سے ملیے یہ ہیں آکسفورڈ سے فارغ التحصیل گریجویٹ بلاول بھٹو زرداری۔
"ایک سپیشل اسسٹنٹ (شہزاد اکبر) ہے جو TV پر آکر بھونکتا ہے" – بلاول زرادی
Ladies & Gentlemen, Presenting you the Oxford Graduate,
"Bilawal Zardari" 👏👏👏pic.twitter.com/qh38c1wLKb— Maleeha Hashmey (@MaleehaHashmey) September 11, 2020
خلیج اردو
