پاکستان میں کورونا وائرس: سندھ اور بلوچستان میں نماز جمعہ پر پابندی عائد

مساجد میں اجتماعی نماز پر پابندی 5 اپریل تک برقرار رہے گی۔

سندھ اور بلوچستان نے کورونا وائرس کے وبائی مرض سے بچنے کے لئے مساجد میں اجتماعی نماز پر پابندی عائد کردی ۔

ڈان نیوز کی خبر کے مطابق ، پاکستان میں کورون وائرس کے 1،193 تصدیق شدہ کیسسز ہیں سندھ میں سب سے زیادہ تعداد 421 ہے جبکہ بلوچستان میں 131 کیسسز درج ہوئے ہیں۔

حکومت سندھ نے معاشرتی فاصلے کو برقرار رکھنے کے لئے جمعہ کے اجتماعات سمیت مساجد میں اجتماعی نمازیں معطل کرنے کا اعلان کیا۔

وزیر اعلی سندھ کے مشیر بیرسٹر مرتضی وہاب نے کہا کہ حکومت نے یہ فیصلہ تمام مکاتب فکر کے علما سے مشاورت کے بعد کیا ہے۔

انہوں نے ایک ٹویٹ میں کہا ، "حکومت سندھ کا اہم فیصلہ۔ ، لوگ مساجد میں نماز نہیں پڑھ سکتے ہیں۔” ” مساجد کا عملہ ہی مساجد میں نماز پڑھ سکتا ہے۔”

ڈان نیوز کی خبر کے مطابق ، کوئٹہ میں محکمہ داخلہ و قبائلی امور کی جانب سے رات گئے جاری کردہ نوٹیفکیشن کے مطابق ، بلوچستان حکومت نے مساجد میں فوری طور پر نماز جمعہ پر پابندی عائد کردی ہے۔

مساجد کھلی رہیں گی لیکن صرف پانچ افراد نماز ادا کرسکے گے، جن میں امام صاحب اور چار دیگر افراد شامل ہوں گے۔

اس میں مزید کہا گیا ہے کہ لوگ تمام نمازیں گھروں پر پڑھیں گے۔

پاکستان میں 9 افراد کی ہلاکت کی اطلاع ہے۔

Source : Khaleej Times
27 March 2020