خلیج اردو
لاہور: پاکستان نے بھارت کو ہونے والی ٹرانزٹ ٹریڈ پر پابندی عائد کر دی ہے، جس کے تحت بحری، زمینی اور فضائی راستوں سے بھارتی اشیا کی ٹرانزٹ ٹریڈ ممنوع قرار دی گئی ہے۔ وزارت تجارت کے مطابق، یہ پابندی فوری طور پر نافذ العمل ہوگی اور پاکستان کی سرزمین کے ذریعے بھارت کی اشیا کی نقل و حرکت کو روک دے گی۔
تاہم، وزارت نے یہ بھی واضح کیا ہے کہ اس پابندی کا اطلاق ان درآمدات و برآمدات پر نہیں ہوگا جن کے لیے ایل سی (لیٹر آف کریڈٹ) پہلے ہی جاری ہو چکے ہیں۔ حکام کے مطابق، اس فیصلے کا مقصد بھارت کے ساتھ موجودہ تجارتی تعلقات کو بہتر بنانے اور دونوں ممالک کے درمیان معیشتی صورتحال کو مزید مستحکم کرنا ہے۔
