الیکشن کمیشن کا اسلام آباد میں بلدیاتی انتخابات کے انعقاد نہ ہونے پر مایوسی کا اظہار

خلیج اردو
اسلام آباد:الیکشن کمیشن کا اسلام آباد میں بلدیاتی انتخابات کے انعقاد نہ ہونے پر مایوسی کا اظہار، الیکشن کمیشن کے اجلاس میں چیف الیکشن کمشنر نے کہا کہ کمیشن اسلام آباد کے بلدیاتی انتخابات کے انعقاد کیلئے چار دفعہ حلقہ بندیاں کر چکا ہے. جب بھی انتخابا ت کے انعقاد کیلئے تیاری مکمل کرتا ہے تو قوانین میں ترامیم کردی جاتی ہیں۔

الیکشن کمیشن کا چیف الیکشن کمشنر سکندر سلطان راجہ کی سربراہی میں اہم اجلاس ہوا جس میں شرکا نے اسلام آباد میں بلدیاتی انتخابات کے انعقاد نہ ہونے پر مایوسی کا اظہار کیا۔

چیف الیکشن کمیشنر نے کہا کہ الیکشن کمیشن اسلام آباد کے بلدیاتی انتخابات کے انعقاد کیلئے چار دفعہ حلقہ بندیاں کر چکا ہے۔

جب بھی انتخابات کے انعقاد کیلئے تیاری مکمل کرتا ہے تو قوانین میں ترامیم کردی جاتی ہیں،اجلاس میں ترمیم شدہ لوکل گورنمنٹ ایکٹ 2015 کے مطابق حلقہ بندیوں کے کام کا آغاز کرنے کا فیصلہ کیا گیا۔ اجلاس کو فوری طور پر ضروری انتظامات کرنے کی ہدایت کر دی گئی ۔

چیف الیکشن کمشنر نے ہدایت کی کہ حلقہ بندی کا شیڈول منظوری کیلئے الیکشن کمیشن کو پیش کرے۔ اعلامیے کے مطابق حلقہ بندی کا شیڈول منظوری کیلئے الیکشن کمیشن کو پیش کیا جائے گا۔