پاکستان انٹرنیشنل ایئر لائن نے جمعہ کے روز افسوسناک طیارے کے حادثے پر ایک بیان جاری کیا کہ لاہور سے پرواز 8303 کراچی کے رہائشی علاقے میں حادثے کا شکار ہوگئی پرواز میں 99 مسافر سوار تھے۔
پی آئی اے (PIA) کے سی ای او (CEO) نے جمعہ کی شام ایک پریس کانفرنس کی اور واقعے کی تحقیقات کی یقین دہانی کروائی۔ انہوں نے بتایا کہ 41 افراد کی ہلاکت کی تصدیق ہوگئی ہے جبکہ میڈیا رپورٹس میں بتایا گیا ہے کہ دو مسافروں کی جان بچ گئی ہے-
رات گئے تک ریسکیو اور کلین اپ آپریشن جاری رہا تھا۔ عیدالفطر سے قبل پاکستان نے اندرون ملک پروازیں دوبارہ شروع کردیں تھیں-
مکمل بیان:
مجھے 22 مئی 2020 کو پی آئی اے (PIA) کی پرواز PK 8303 لاہور سے کراچی جانے والی پرواز (ایئرکرافٹ ایئربس اے -320) رجسٹریشن (AP-BLD) آج ، 14.39 بجے پی ایس ٹی(1:30 متحدہ عرب امارات کے وقت کے مطابق) کراچی ایئر پورٹ کے قریب گر کر تباہ ہونے کا اعلان کرتے ہوئے بہت افسوس ہورہا ہے ۔ اس وقت حادثے کی مزید تفصیلات دستیاب نہیں ہیں۔ جہاز میں 7 عملے کے افراد سوار تھے۔
بدقسمت اور افسوسناک واقعے کے بارے میں ابھی بھی تفصیلات آرہی ہیں۔ پی آئی اے (PIA) اس وقت حکام کی مدد کے لئے ہر ممکن کوشش کر رہی ہے-
بین الاقوامی ہوا بازی کی ضرورت کے مطابق ، پی آئی اے (PIA) ہیڈ کوارٹرز کراچی میں ایک ہنگامی رسپانس سینٹر قائم کیا گیا ہے جہاں سے پی آئی اے (PIA) کا سینئر مینجمنٹ اس واقعے کے بعد سے ہی صورتحال کی نگرانی کر رہا ہے۔
ریسکیو کی کوششیں جاری ہیں اور ہم طیارے میں سوار افراد کی زندگی کو کس حد تک نقصان پہنچا ہے اس کا بھی پتہ لگارہے ہیں۔ پی آئی اے (PIA) مسافروں اور عملے کے ممبروں کے اہل خانہ کی مدد کے لئے ہر ممکن کوشش کر رہی ہے تاکہ اس واقعے اور نقصان سے متعلق پہلے معلومات حاصل ہوسکیں۔
حادثے کا مقام کراچی ایئرپورٹ کے قریب ہے۔
پی آئی اے (PIA) کے ایمرجنسی رسپانس سنٹر اپ ڈیٹس درج ذیل فون نمبرز پر حاصل کی جاسکتی ہے: 0092-21-99043833، 99242284 اور 0092-21-990443766-
Source : Khaleej Times
23 May 2020
