**خلیج اردو**
دوحہ: قطر کی قومی فٹبال ٹیم نے متحدہ عرب امارات کو 1 کے مقابلے میں 2 گول سے شکست دے کر 2026 کے فیفا ورلڈ کپ کے لیے کوالیفائی کر لیا۔
میچ کے آغاز سے ہی دونوں ٹیموں کے درمیان سخت مقابلہ دیکھنے میں آیا، تاہم پہلے ہاف میں قطر نے برتری حاصل کر لی۔ یو اے ای نے دوسرے ہاف میں واپسی کی کوشش کی اور ایک گول اسکور کیا، لیکن قطر نے فیصلہ کن لمحوں میں دوسرا گول کر کے میچ اپنے نام کر لیا۔
قطر کی اس کامیابی کے بعد وہ مسلسل دوسری مرتبہ ورلڈ کپ میں شرکت کرے گا۔ قطر کے شائقین نے اس تاریخی کامیابی پر خوشی کا اظہار کرتے ہوئے کھلاڑیوں کو زبردست خراجِ تحسین پیش کیا۔
