خلیج اردو
ابوظہبی: ابوظہبی پولیس نے ڈرائیورز کو خبردار کیا ہے کہ درب ٹول گیٹس سے قبل جان بوجھ کر گاڑی روک کر ٹریفک کی روانی میں خلل ڈالنے پر 500 درہم جرمانہ عائد کیا جائے گا۔ پولیس کا کہنا ہے کہ کچھ ڈرائیورز صرف ٹول فیس بچانے کے لیے خطرناک اور غیر قانونی عمل کے مرتکب ہو رہے ہیں۔
ابوظہبی پولیس کی ٹریفک اینڈ سیکیورٹی پیٹرولز ڈائریکٹوریٹ کی جانب سے جاری کردہ ایک ویڈیو میں متعدد ڈرائیورز کو درب گیٹس سے پہلے سڑک کنارے رکتے ہوئے دکھایا گیا ہے۔ یہ ڈرائیورز صرف اسی وقت گاڑی آگے بڑھاتے ہیں جب ٹول گیٹ مفت ہو جاتا ہے، جو کہ ٹریفک قوانین کی سنگین خلاف ورزی ہے۔
درب ٹول گیٹ سسٹم جنوری 2021 میں متعارف کروایا گیا تھا تاکہ دارالحکومت میں ٹریفک رش کم کیا جا سکے اور پبلک ٹرانسپورٹ کے استعمال کی حوصلہ افزائی ہو۔
روزانہ صبح 7 سے 9 بجے اور شام 5 سے 7 بجے کے درمیان درب ٹول فیس 4 درہم لی جاتی ہے، باقی دن، اتوار اور سرکاری تعطیلات پر ٹول فری ہوتا ہے۔
https://twitter.com/ADPoliceHQ/status/1938551188401557672
حکام کا کہنا ہے کہ کچھ ڈرائیورز "غیر ضروری طور پر سڑک کے کنارے رک کر ٹول فری وقت کا انتظار کرتے ہیں، جو کہ نہ صرف خطرناک ہے بلکہ ٹریفک کی روانی کو بھی متاثر کرتا ہے۔”
پولیس نے مزید بتایا کہ دیگر خطرناک رویوں میں اچانک لین بدلنا، ٹریفک میں رکاوٹ ڈالنا، اور پبلک بس پارکنگ ایریاز میں غیر مجاز داخلہ شامل ہے۔
ٹریفک قوانین کے مطابق:
-
سڑک پر غیر قانونی طور پر رکنے اور ٹریفک بلاک کرنے پر 500 درہم جرمانہ ہے۔
-
اچانک لین تبدیل کرنے پر 1,000 درہم جرمانہ اور 4 بلیک پوائنٹس عائد ہوتے ہیں۔
-
بس لین یا بس پارکنگ میں داخلے پر 400 درہم جرمانہ ہے۔
