خلیج اردو
نئی دہلی: بھارت کے 79ویں یوم آزادی کے موقع پر ایئر انڈیا ایکسپریس نے شاندار ’فریڈم سیل‘ کا اعلان کیا ہے جس کے تحت ملکی و بین الاقوامی نیٹ ورک پر 50 لاکھ نشستیں فروخت کے لیے پیش کی جا رہی ہیں۔
ایئر لائن کے مطابق ملکی پروازوں کا کرایہ 1,279 بھارتی روپے سے جبکہ بین الاقوامی پروازوں کا کرایہ 4,279 روپے سے شروع ہوگا۔ یہ مہم آزادی، روابط اور ایک نئے بھارت میں آسان رسائی کے جذبے کو اجاگر کرنے کے لیے شروع کی گئی ہے۔
سیل کا آغاز 10 اگست کو ایئر لائن کی ویب سائٹ اور موبائل ایپ پر خصوصی طور پر ہوگا، جبکہ 11 سے 15 اگست 2025 تک تمام بڑے بکنگ پلیٹ فارمز پر یہ پیشکش دستیاب ہوگی۔
