خلیج اردو
متحدہ عرب امارات میں مقیم بھارتی شہریوں کے لیے بڑی سہولت، الہند ٹورز اینڈ ٹریولز نے بدھ 22 جولائی سے بھارتی پاسپورٹ رینیوول، دستاویزات کی تصدیق اور دیگر قونصلر خدمات سنبھال لی ہیں۔

الہند نے نومبر 2025 میں ٹینڈر جیتا تھا تاہم قانونی رکاوٹوں کے باعث سروسز شروع نہیں ہو سکیں۔ اس دوران بھارتی سفارتخانے اور قونصل خانے براہ راست خدمات فراہم کر رہے تھے جس کے باعث طویل قطاریں اور مشکلات کا سامنا تھا۔

اب تمام درخواست گزاروں کو پاسپورٹ، ویزا اور دستاویزات کی تصدیق کے لیے بھارتی قونصلر اپلیکیشن سینٹرز (ICACs) جانا ہوگا۔

اپائنٹمنٹ کیسے بک ہوگی؟

درخواست گزار آن لائن ویب سائٹ consularsevainguae.com کے ذریعے اپائنٹمنٹ حاصل کر سکتے ہیں۔ نئے سلاٹس روزانہ صبح 9 بجے اور رات 9 بجے پیر سے ہفتہ تک جاری کیے جائیں گے۔

سروس سینٹرز کے اوقات کار

تمام 16 بھارتی قونصلر اپلیکیشن سینٹرز صبح 8 بجے سے شام 6 بجے تک کھلے رہیں گے۔ درخواست گزار مقررہ وقت سے صرف 15 منٹ پہلے سینٹر میں داخل ہو سکیں گے۔

بر دبئی سینٹر میں 45 کاؤنٹرز قائم کیے گئے ہیں تاکہ انتظار کا وقت کم کیا جا سکے۔

کن افراد کے لیے واک اِن سہولت ہوگی؟

فوری پاسپورٹ (Tatkal)، نومولود بچوں کی درخواستیں، ایمرجنسی سرٹیفکیٹ (EC) اور 60 سال سے زائد عمر کے افراد کی درخواستیں تمام سینٹرز پر بغیر اپائنٹمنٹ پہلے آئیں پہلے پائیں کی بنیاد پر وصول کی جائیں گی۔

الہند کے پاسپورٹ سروس سینٹرز کے مقامات

ابوظہبی:
ال دانہ، الریم آئی لینڈ، مصفح، مدینت زاید، غیاثی اور العین میں 6 سینٹرز

دبئی:
بر دبئی میں یو ڈبلیو مال کے اندر مرکزی سینٹر
دبئی انویسٹمنٹ پارک (DIP) میں دوسرا سینٹر

شارجہ:
المجاز اور رولہ میں 2 سینٹرز

شمالی امارات:
عجمان، الفصیل فجیرہ، الرملہ ام القوین، شیخ خالد روڈ خورفکان، انڈین سوشل اینڈ کلچرل کلب کلبا اور المامورہ روڈ راس الخیمہ میں سینٹرز قائم کیے گئے ہیں۔

مزید معلومات کے لیے رابطہ

ٹول فری نمبر: 800248517
ای میل: support.ae@alhindglobal.com

پاسپورٹ فیس میں اضافہ

بھارتی حکومت نے یکم جولائی سے متحدہ عرب امارات میں پاسپورٹ سروس فیس میں اضافہ کر دیا ہے۔ یہ اضافہ 2012 کے بعد پہلی بار کیا گیا ہے۔

• 36 صفحات والا نارمل پاسپورٹ رینیوول: 450 درہم
• 36 صفحات والا Tatkal پاسپورٹ: 900 درہم
• 60 صفحات والا نارمل پاسپورٹ: 630 درہم
• 60 صفحات والا Tatkal پاسپورٹ: 1080 درہم

الہند حکومت کی مقرر کردہ فیس کے علاوہ 19 درہم اضافی سروس چارج وصول کرے گا جس میں فوٹو کاپی اور فوٹوگرافی شامل ہوگی۔

اہم بات

الہند کی خدمات فی الحال عبوری انتظام کے تحت ہیں۔ بھارتی سپریم کورٹ کی ہدایت کے مطابق وزارت خارجہ نئے ٹینڈر کا عمل مکمل کرے گی، تاہم اس دوران الہند کو سروسز جاری رکھنے کی اجازت دی گئی ہے تاکہ متحدہ عرب امارات میں لاکھوں بھارتی شہریوں کو سہولت ملتی رہے۔