کورونا وائرس : اکسپٹس کی وطن واپسی کی پروازوں کی صورتحال-

جمعرات کو دبئی ایئر پورٹ نے بتایا کہ متحدہ عرب امارات میں پھنسے مختلف قومیتوں کے 37،469 افراد کو متحدہ عرب امارات کے حکام اور ان کے سفارت خانوں کی مدد سے وطن واپس بھیج دیا گیا ہے-

54 ہوائی کمپنیوں نے 312 وطن واپسی کی پروازیں چلائیں کیونکہ عام مسافر پروازیں عارضی طور پر معطل کردی گئی ہیں تاکہ کورونا وائرس کے پھلاؤ کو روکا جاسکے-

متحدہ عرب امارات نے مارچ کے آخر میں تمام پروازوں کی معطلی کا اعلان کیا تھا اور اس کے بعد سے متحدہ عرب امارات میں صرف پھنسے ہوئے مسافروں کو واپس جانے کے لئے صرف خصوصی پروازیں چلائی جارہی ہیں۔

فی الحال ، امارات اور فلائی دبئی زیادہ تر دبئی سے یورپ ، ایشیاء اور امریکہ کے مختلف شہروں میں وطن واپسی کی محدود پروازیں چلارہے ہیں۔ اب امارات کے قریب 75 ہوائی جہاز لوگوں کو وطن واپس اور سامان لے کر ضروری مشنوں پر جا رہے ہیں۔

پاکستان انٹرنیشنل ایئر لائن نے اب تک متحدہ عرب امارات سے 10 خصوصی پروازوں کے ذریعے 2،130 شہریوں کو وطن واپس بھیج دیا ہے۔ اس میں قیدی شامل نہیں ہیں-

دبئی انٹرنیشنل (DXB) نے مسلسل چھٹے سال بین الاقوامی مسافروں کے لئے دنیا کے پہلے نمبر کے مرکز کے طور پر اپنی پوزیشن برقرار رکھی ہے اور 2019 می ںاس کا سالانہ ٹریفک 86.4 ملین تک پہنچ گیا ہے – یہ حریف لندن ہیتھرو سے 6 ملین زیادہ ہے۔

Source : Khaleej Times
30 April 2020