دبئی میں ہیلووین کی رنگین تقریبات، ہر عمر کے "منسٹرز” کی شرکت

خلیج اردو

دبئی: دبئی میں 31 اکتوبر کو ہیلووین کا تہوار روشنیوں، قہقہوں اور دلکش لباسوں کے ساتھ منایا گیا، جہاں شہریوں نے تخلیقی انداز میں مختلف کرداروں کا روپ دھار کر تقریب کو یادگار بنا دیا۔

دبئی انویسٹمنٹ پارک کے گرین کمیونٹی میں کئی ولاز کو بھوتوں اور آسیبوں کے تھیم پر سجایا گیا، جس سے بچوں کے ٹرک یا ٹریٹ کے دوران شور و ہنگامہ اور خوشیوں کا سماں بندھ گیا۔

سیہگل فیملی کا گھر بھی جشن کا مرکز بنا، جہاں دوست احباب اور پڑوسی بڑی تعداد میں جمع ہوئے۔ سونیکا سیہگل (44)، ان کے شوہر آکاش (48) اور بیٹی آننیا (17) نے بتایا کہ وہ دبئی میں گزشتہ چار برس سے ہیلووین مناتے آ رہے ہیں۔
سونیکا نے بتایا، "ہر سال ہم اپنے گھر کو ڈراونی سجاوٹ سے آراستہ کرتے ہیں اور بچوں اور بڑوں، دونوں کو مٹھائیاں تقسیم کرتے ہیں۔ اس سال سب سے بڑی تقریب تھی، جس میں 200 سے زائد بچے اور بالغ آئے۔”

انہوں نے کہا کہ "دبئی میں ہیلووین کو خاص بنانے والی چیز یہاں کی بین الثقافتی کمیونٹی ہے۔ مختلف قومیتوں کے لوگ اکٹھے ہو کر خوشیاں بانٹتے ہیں، ہنسی مذاق کرتے ہیں اور تہوار کی فضا سے لطف اندوز ہوتے ہیں۔ بچوں کو ان کے خوبصورت لباسوں میں دیکھنا اس بات کی یاد دہانی ہے کہ ہماری کمیونٹی کتنی متنوع اور متحد ہے۔”