خلیج اردو
دبئی: راس الخیمہ میں پولیس اور ہنگامی ٹیموں نے بدھ کی شام سے امارات کے سیلاب زدہ وادیوں اور پہاڑی علاقوں میں پھنسے ہوئے 200 سے زائد افراد کو بچا لیا ہے۔
گزشتہ چند دنوں کے دوران متحدہ عرب امارات کے شمالی امارات کے کچھ حصوں میں موسلا دھار بارشوں نے پہاڑی علاقوں میں سیلاب کا باعث بنا۔
راس الخیمہ پولیس کے کمانڈر انچیف میجر جنرل علی بن عبداللہ النعیمی نے کہا ہے کہ متاثرین کو مدد فراہم کی گئی ہے اور فورس نے ان کی گاڑیوں کو سیلاب زدہ وادیوں سے دور محفوظ علاقوں تک پہنچایا ہے۔
جنرل علی کا کہنا تھا کہ خطرناک علاقوں میں پھنسے ہوئے 14 افراد کو پولیس کے ایئر ونگ سیکشن نے ہوائی جہاز سے محفوظ مقامات پر پہنچایا اور انہیں خوراک اور تمام ضروری طبی امداد فراہم کیں۔
النعمی امارات میں ہنگامی اور مقامی کرائسز مینجمنٹ ٹیم کے سربراہ بھی ہیں، نے تمام ریسکیو ٹیموں کی ان کوششوں کی تعریف کی ہے۔
انہوں نے بتایا کہ بدھ کو خراب موسم کے آغاز کے بعد سے ہی فیلڈ ٹیمیں وادیوں اور پہاڑی علاقوں کے قریب تعینات کی گئی ہیں۔
پولیس نے امارات کی مختلف بیرونی اور داخلی سڑکوں پر 77 پٹرولنگ دستے تعینات کیے ہیں اور کچھ ایسے راستے بند کر دیے جن سے پانی کا بہت زیادہ بہاؤ ہوتا ہے۔ عوام میں پانی کی ٹینکیاں بھی تقسیم کی گئیں تاکہ ٹریفک کی روانی کے لیے سیلاب زدہ گلیوں سے پانی نکالا جا سکے۔
Source: Khaleej Times
