خلیج اردو
ریئل اسٹیٹ ڈویلپر آبجیکٹ ون نے ابوظبی کے آل ریم آئی لینڈ پر چار واٹر فرنٹ پلاٹس خریدنے کا اعلان کیا ہے، جن کی مجموعی سیلز ویلیو 4.5 ارب درہم بتائی جا رہی ہے۔
کمپنی کے مطابق یہ پلاٹس شمس گیٹ ڈسٹرکٹ میں واقع ہیں، جن پر مجموعی طور پر 20 لاکھ مربع فٹ سے زائد رقبے پر ترقیاتی منصوبے تعمیر کیے جائیں گے۔
یہ سرمایہ کاری 2025 کے آخر میں ابوظبی میں آبجیکٹ ون کی توسیع کے بعد ایک اہم پیش رفت قرار دی جا رہی ہے، جس میں دارالحکومت میں پہلا سیلز گیلری کا افتتاح بھی شامل تھا۔
آبجیکٹ ون کے چیئرمین اور بانی ایگور مسلینیکوف نے کہا، "ابوظبی میں ہمارا داخلہ ایک طویل المدتی عزم کے تحت ہے، یہ محض ایک وقتی توسیع نہیں۔ آل ریم آئی لینڈ میں یہ سرمایہ کاری دارالحکومت کے مستقبل پر ہمارے اعتماد کی عکاسی کرتی ہے۔”
کمپنی کا کہنا ہے کہ یہ منصوبہ نیشنل فیملی گروتھ ایجنڈا 2031 سے ہم آہنگ ہے، جبکہ 2026 کو "سالِ خاندان” قرار دیے جانے کے تناظر میں طویل المدتی رہائشی کمیونٹیز کو ترجیح دی جا رہی ہے۔
حالیہ اعداد و شمار کے مطابق ابوظبی کی ریئل اسٹیٹ مارکیٹ میں نمایاں تیزی دیکھنے میں آئی ہے، جہاں لین دین میں 76 فیصد اضافہ اور مجموعی ڈیل ویلیو 25.3 ارب درہم تک پہنچ چکی ہے۔
