خلیج اردو
Parkonic نے اعلان کیا ہے کہ Discovery Gardens کے رہائشی 15 اپریل سے رعایتی سبسکرپشن پارکنگ نرخوں سے فائدہ اٹھا سکیں گے۔
نظرثانی شدہ فیس کے مطابق ماہانہ پارکنگ 672 درہم، سہ ماہی 1,999 درہم، چھ ماہ کے لیے 3,999 درہم اور سالانہ سبسکرپشن 4,999 درہم مقرر کی گئی ہے۔
اس سے قبل جنوری 2026 میں ماہانہ فیس 945 درہم اور سہ ماہی فیس 2,625 درہم تھی، جس میں نمایاں کمی کی گئی ہے۔
پارکونک کے مطابق یہ تبدیلی متعلقہ فریقوں سے مشاورت اور کمیونٹی کی آراء کو مدنظر رکھتے ہوئے کی گئی ہے، تاکہ ڈسکوری گارڈنز میں پارکنگ کے نظام کو بہتر بنایا جا سکے۔
رہائشی پارکونک کے ٹیننٹ رجسٹریشن پورٹل کے ذریعے مفت پارکنگ پرمٹ حاصل کر سکتے ہیں، جبکہ بامعاوضہ سبسکرپشن کمپنی کی ویب سائٹ اور موبائل ایپ پر دستیاب ہیں۔
کمیونٹی ڈویلپر Nakheel نے رہائشیوں کو ای میل کے ذریعے ہدایت کی ہے کہ نفاذ سے قبل اپنی پارکنگ رجسٹر کروا لیں۔ رجسٹریشن کے لیے ٹائٹل ڈیڈ، اجاری اور کرایہ نامہ جمع کرانا ضروری ہوگا، جبکہ منظوری دستاویزات کی تصدیق سے مشروط ہوگی۔
