خلیج اردو
دبئی، 25 اکتوبر 2025
متحدہ عرب امارات کے وزیر اعظم اور نائب صدر شیخ محمد بن راشد آل مکتوم نے ملک کے شہریوں، رہائشیوں اور اداروں سے اپیل کی ہے کہ وہ 3 نومبر کو قومی پرچم دن کے موقع پر صبح 11 بجے متحدہ عرب امارات کا پرچم بلند کریں۔
شیخ محمد بن راشد نے کہا کہ یہ دن اتحاد، وفاداری، اور وطن سے تعلق کے عہد کو تازہ کرنے کا دن ہے۔ انہوں نے زور دیا کہ پرچم ملک کے اتحاد، فخر اور قیادت سے وابستگی کی علامت ہے۔
اس سے قبل دبئی میں "نیشنل منتھ” کے نام سے ایک خصوصی مہم کا اعلان کیا گیا تھا جو فلیگ ڈے سے شروع ہو کر 2 دسمبر 2025 کو عید الاتحاد (یومِ اتحاد) تک جاری رہے گی۔ یہ مہم مسلسل دوسرے سال منائی جا رہی ہے، جس کے دوران پورے امارات میں قومی تقریبات، نمائشیں اور ثقافتی سرگرمیاں ہوں گی۔
ملک بھر میں قومی پرچم گھروں، دکانوں اور شاہراہوں پر آویزاں کیے جائیں گے۔ شیخ محمد بن راشد نے رہائشیوں سے کہا کہ پرچم چڑھانے سے پہلے اس کی حالت کا معائنہ کریں تاکہ وہ پھٹا، ماندہ یا خراب نہ ہو۔
عوام کو ہدایت دی گئی ہے کہ اگر پرچم سڑک کے وسط میں لٹکایا جائے تو اسے عمودی طور پر اس طرح آویزاں کیا جائے کہ سرخ حصہ اوپر اور باقی تین رنگ نیچے ہوں۔
