خلیج اردو
دبئی: یہ سفر کرنے کا بہترین وقت ہے کیونکہ متحدہ عرب امارات سے پاکستان اور بھارت کے ہوائی کرایے اس سال اپنی کم ترین سطح پر آ گئے ہیں جہاں یک طرفہ ٹکٹ کی قیمت 300 درہم تک کم ہوچکی ہے۔
ٹریول ایجنٹوں نے نوٹ کیا کہ پرکشش ٹکٹ کی قیمتیں موسم گرما کے عروج کے سفر کے سیزن کے اختتام پر آتی ہیں۔تاہم بھارت میں چھٹیوں کے موسم سے قبل اس ماہ کے آخر میں کرایوں میں اضافہ متوقع ہے۔جو اگلے مہینے کے وسط تک ہندو مذہبی تہوار دیوالی کے آس پاس اپنے عروج پر ہوں گے۔
پلوٹو ٹریولز کے منیجنگ ڈائریکٹر اویناش عدنانی کہتے ہیں کہ متحدہ عرب امارات اور پاک بھارت کے درمیان فضائی ٹریفک اس وقت بہت کم ہے کیونکہ زیادہ تر لوگ گرمیوں کی چھٹیوں کے بعد پہلے ہی اپنی منزلوں پر واپس جا چکے ہیں۔ اسی لیے یہ بھارت کیلئے سفر کرنے کا بہترین وقت ہے۔ کچھ بھارتی شہروں کے لیے ایک طرفہ ٹکٹ کی قیمت تقریباً 300 درہم جبکہ ریٹرن ٹکٹ 1,000 درہم ہے۔ انہوں نے کہا کہ اگلے 15 دن سفر کے لیے اچھے ہیں کیونکہ ایئرٹکٹ سال کی کم ترین سطح پر ہیں۔
دریں اثنا، دبئی سے پاکستان کے سب سے بڑے شہر کراچی کا یک طرفہ ایئرٹکٹ فی الحال 400 درہم سے کم ہے۔
عدنانی نے انکشاف کیا کہ چوبیس اکتوبر سے شروع ہونے والے ہندو مذہبی تہوار کے موسم سے پہلے ستمبر کے آخر سے بھارت کے ایئرٹکٹ میں اضافہ ہونا شروع ہو جائے گا اور اکتوبر کے وسط میں اپنے عروج پر پہنچ جائے گا۔انہوں نے کہا کہ ہوائی کرایوں میں کمی نومبر کے وسط میں دوبارہ مستحکم ہو جائے گی جبکہ قومی دن اور سال کے آخر میں تعطیلات کے موسم کی وجہ سے ہوائی کرائے زیادہ رہیں گے۔
گالادری انٹرنیشنل ٹریول سروسز کے منیجر راجہ میر وسیم نے کہا کہ گزشتہ دو وبائی سالوں میں ہوائی کرایوں کے مقابلے موجودہ قیمتیں اب بھی زیادہ ہیں۔ اس وقت، کوویڈ سے متعلقہ پابندیوں کی وجہ سے ٹکٹ کی مانگ کم تھی اور رہائشی بھی بیرون ملک پھنسے ہوئے ہوشیار تھے۔
انہون نے کہا کہ پیک یا چوٹی کے سیزن کے مقابلے ہوائی کرایے نچلی طرف ہیں لیکن پچھلے دو سالوں کے مقابلے میں اب بھی اونچی طرف ہیں۔ یہ سفر کرنے کا اچھا وقت ہے۔ یو اے ای کے قومی دن کی تعطیلات کے دوران سفر اور ہوائی کرایوں میں دوبارہ اضافہ ہو جائے گا کیونکہ یو اے ای کے رہائشی اگلے طویل چھٹیوں کے بریک کے لیے منصوبہ بندی اور تیاری کر رہے ہیں۔
متحدہ عرب امارات کے لیے سرفہرست ٹریول مارکیٹس
بھارت اور پاکستان متحدہ عرب امارات کی سفری اور سیاحت کی صنعت کے لیے دو بڑے ذرائع ہیں۔ ابوظہبی ایئرپورٹس کے مطابق 2022 کی پہلی ششماہی کے دوران مسافروں کی تعداد کے لحاظ سے سرفہرست دو ممالک بھارت (1.28 ملین) اور پاکستان (485,000) تھے۔مسافروں کی تعداد کے لحاظ سے بھارت دبئی انٹرنیشنل ایئرپورٹ کا سرفہرست ملک رہا جبکہ پاکستان 1.7 ملین مسافروں کے ساتھ ٹاپ 10 مقامات میں شامل رہا۔
Source: Khaleej Times
