خلیج اردو
دی ڈیول ویئرز پراڈا 2 کے ٹریلر نے جہاں فیشن شائقین میں جوش پیدا کیا، وہیں ایک دبئی میں مقیم لگژری ڈیزائنر بھی عالمی اسپاٹ لائٹ میں آ گیا۔ معروف اداکارہ میریل اسٹریپ کے ہاتھ میں نظر آنے والا مجسماتی ہینڈ بیگ فیشن حلقوں کی توجہ کا مرکز بن گیا۔
یہ ہینڈ بیگ Dellaluna نامی برانڈ نے تیار کیا ہے، جو وینس کی روایتی دستکاری اور دبئی کے جدید عالمی ذوق کا حسین امتزاج ہے۔ فلم کے ٹریلر میں نظر آنے والا Louvre Abu Dhabi بیگ میوزیم کے مشہور گنبد سے متاثر ہو کر ڈیزائن کیا گیا ہے۔
ٹریلر میں این ہیتھ وے کے کردار اینڈی سیکس کے ہاتھ میں بھی Dellaluna کا ایک خصوصی Imperial Silver Clutch دکھائی دیتا ہے، جو فلم کے لیے خاص طور پر تیار کیا گیا۔
Dellaluna کی بانی سلویہ پالون کے مطابق، تمام بیگز وینس میں مقامی کاریگروں کے ہاتھوں تیار کیے جاتے ہیں، تاہم دبئی اس برانڈ کے لیے ایک اہم تخلیقی اور ثقافتی مرکز بنتا جا رہا ہے۔
