رأس الخیمہ میں ڈیجیٹل کری ایٹر لائسنس کا اجرا، ویزا اور بینک اکاؤنٹ کی سہولت بھی شامل

خلیج اردو
رأس الخیمہ: رأس الخیمہ ڈیجیٹل ایسیٹس اویسس (RAK DAO) نے یو اے ای کا پہلا ڈیجیٹل کری ایٹر لائسنس متعارف کرا دیا ہے جو خاص طور پر انفلونسرز، اسٹریمرز اور ایجوکیٹرز کے لیے تیار کیا گیا ہے۔ یہ لائسنس بزنس سیٹ اپ، ویزا اور بینک اکاؤنٹ جیسی سہولیات فراہم کرتا ہے، جو ویب تھری پلیٹ فارم "لیولی” کے اشتراک سے پیش کیا گیا ہے۔

اس لائسنس کے حامل افراد کو زیرو کارپوریٹ اور پرسنل انکم ٹیکس، سو فیصد غیر ملکی ملکیت، اور آر اے کے ڈی اے او کے پارٹنرشپس اور نیٹ ورکنگ سہولیات تک رسائی حاصل ہوگی۔

آر اے کے ڈی اے او کے سی ای او پال دوالیبی کے مطابق یہ لائسنس تخلیق کاروں کو قانونی حیثیت فراہم کرتا ہے تاکہ بینکس، برانڈز اور سرمایہ کار ان پر اعتماد کریں۔ ان کا کہنا تھا کہ "ہم چاہتے ہیں کہ یہ ’سائیڈ ہسل‘ ایک باقاعدہ، پیشہ ورانہ کاروبار بنے۔”

لائسنس کی درخواست کا عمل تیز اور آسان ہے، اور اکثر درخواست گزار چند دنوں میں لائسنس اور بینک اکاؤنٹ حاصل کر لیتے ہیں۔ یہ سہولت دنیا بھر کے درخواست گزاروں کے لیے یکساں ٹیکس اور ملکیت کے فوائد فراہم کرتی ہے۔

رأس الخیمہ کی کم لاگت زندگی اور ٹیکس فری فوائد اس اقدام کو مزید پرکشش بناتے ہیں، جس سے کمپنیاں اپنے پورے ڈیولپرز کے گروپ ایک ہی جگہ پر اکٹھا کر سکتی ہیں۔