خلیج اردو
دبئی: متحدہ عرب امارات کے حکام نے چین کے سب سے مطلوب افراد میں شامل ایک مشتبہ شخص کو گرفتار کر کے چین کے حوالے کر دیا۔ وزارتِ داخلہ کے مطابق یہ کارروائی دبئی پولیس نے انٹرپول کے ریڈ نوٹس پر عمل کرتے ہوئے کی۔
ملزم پر الزام ہے کہ وہ ایک منظم جرائم پیشہ نیٹ ورک چلا رہا تھا جو لاکھوں ڈالر مالیت کی جعلی جوا ویب سائٹس چلا کر منافع کما رہا تھا۔
چینی حکام نے اس کارروائی پر یو اے ای کے تعاون کو سراہا اور بین الاقوامی برادری کے تحفظ کے لیے مشترکہ اقدامات کو مزید فروغ دینے کے عزم کا اظہار کیا۔
