خلیج اردو
وزیر اطلاعات پنجاب عظمیٰ بخاری نے بتایا کہ سوشل میڈیا پر وزیراعلیٰ پنجاب مریم نواز کی بیماری سے متعلق گردش کرنے والی خبر بے بنیاد اور گمراہ کن ہے۔
عظمیٰ بخاری نے کہا کہ وزیراعلیٰ اس وقت لاہور میں موجود ہیں اور امن و امان سے متعلق میٹنگز میں مصروف ہیں۔ ان کا کہنا تھا کہ جو ویڈیو سوشل میڈیا پر چل رہی ہے وہ پرانی ہے، کئی ماہ پہلے شیاٹیکا کی تکلیف کے دوران دفتر کے امور نمٹاتے ہوئے ریکارڈ کی گئی تھی۔
وزیر اطلاعات نے اس بات پر زور دیا کہ پرانی ویڈیو کو نیا بنا کر پھیلانا منظم پراپیگنڈا ہے اور پراپیگنڈا عموماً گندا دھندا ہوتا ہے، جس سے عوام کو گمراہ کیا جاتا ہے۔
تجزیہ کاروں کے مطابق یہ اقدام عوام کو درست معلومات فراہم کرنے اور سوشل میڈیا پر غلط خبریں پھیلنے سے روکنے کے لیے اہم ہے۔
