خلیج اردو آن لائن:
کورونا وبا کے دوران دوسرا حج ادا کرنے کے لیے زائرین حج ہفتے کے روز مقدس شہر مکہ پہنچنا شروع ہوگئے۔ کورونا وبا کے باعث یہ دوسرا حج ہوگا جس میں زائرین کی مخصوص تعداد کو حج کرنے کی اجازت دی گئی ہے۔
گزشتہ سال بھی حج کے لیے سعودی عرب کی جانب سے بہت کم تعداد میں حج کے لیے ویزے جاری کیے گئے تھے اور اس دوران زائرین کے درمیان کورونا کا کوئی کیس سامنے نہیں آیا تھا۔ اس سال بھی سعودی عرب کی جانب سے صرف 60 ہزار زائرین کو فریضہ حج ادا کرنے کے لیے ویزے جاری کیے گئے ہیں اور امید کی جا رہی ہے کہ اس بھی حج کامیابی کے ساتھ تکمیل کو پہنچے گا۔
VIDEO: The first group of pilgrims arrive at the Grande Mosque of Mecca to perform the welcoming Tawaf (circling of the Kaaba) during the second downsized hajj staged amid the coronavirus pandemic, with only fully vaccinated residents permitted to participate pic.twitter.com/x9Ht1stY3u
— AFP News Agency (@AFP) July 17, 2021
خیال رہے کہ اس سال حج کے لیے زائرین کا انتخاب لاٹری کے ذریعے کیا گیا ہے۔ تاہم، زائرین کی تعداد گزشتہ سال کی نسبت زیادہ ہے۔ تاہم، وبا سے پہلے کے مقابلے میں خاصی کم ہے۔
اس سال بھی کورونا وبا کے پھیلاؤ کو روکنے کے لیے خاطر خواہ انتظامات کیے گئے ہیں۔ سعودی وزارت حج کے ترجمان ہاشم السعید کا کہنا تھا کہ "ہر 3 گھنٹوں بعد 6 ہزار لوگ مکہ پہنچنے پر طواف کے لیے داخل ہوتے ہیں۔ ہر گروپ کے طواف مکمل کر لینے کے بعد احاطے کی سینی ٹائزیشن کی جاتی ہے”َ۔
Source: Khaleej Times
