عالمی خبریں

نیپالی تباہ شدہ طیارے کی اندرونی مناظر سامنے آگئے

جنوری 17, 2023
1 منٹ

خلیج اردو

نیپالی طیارے کے ایک مسافر نے طیارے کے گرنے اور آگ لگنے سے چند لمحے قبل اپنے فون سے ایک ویڈیو کلپ بنایا جو منظر عام آ گیا۔ اتوار کی صبح طیارہ تباہ ہوا تھا اور اس میں سوار تمام 72 افراد ہلاک ہو گئے تھے ۔

ایک ویڈیو کلپ میں مسافروں میں سے ایک مسافر طیارے کے اندر اور باہر کے مناظر کی ویڈیو بنا رہا اور مسکراتا بھی دکھائی دے رہا ہے۔ اس کے چند لمحے بعد طیارہ گر جاتا ہے اور اس میں آگ لگ جاتی ہے۔ ہوائی جہاز گرنے اور کلپ کے آخری سیکنڈوں میں شعلے نمودار ہوتے بھی دکھائی دئیے۔

دوسری طرف نیپال کی "یٹی” ایئرلائنز نے طیارے میں سوار تمام 72 افراد کی موت کی تصدیق کردی ہے۔ نیپال میں تین دہائیوں کے دوران پیش آنے والا یہ سب سے بدترین فضائی حادثہ تھا۔

فوج کی طرف سے اس کی جزوی طور پر تصدیق کی گئی کیونکہ اس کے ترجمان نے بتایا کہ 29 لاشیں نکال لی گئی ہیں اور طیارے کے حادثے کی جگہ پر اب بھی 33 دیگر لاشیں موجود ہیں۔

نیپالی دارالحکومت کھٹمنڈو سے آنے والا طیارہ اتوار کی صبح وسطی نیپال میں پوکھرا کے مقامی ہوائی اڈے کے قریب گر کر تباہ ہو گیا۔ یہ شہر دنیا بھر سے مذہبی زائرین کے لیے ایک گیٹ وے ہے۔

فوج کے ترجمان کرشنا پرساد پنڈاری نے اے ایف پی کو بتایا کہ طیارہ ایک وادی میں گرا، اس لیے لاشوں کو نکالنے میں مشکل کا سامنا کرنا پڑ رہا ہے۔

ایک آئیر ہوسٹس کی ٹک ٹاک ویڈیو بھی سامنے آئی ہے جو اڑان بھرنے سے پہلے جہاز کے اندر اس نے بنائی تھی ۔

سوشل میڈیا پر وائرل ایک اور ویڈیو میں دیکھا جا سکتا ہے کہ طیارہ بہت تیزی سے آسمان سے زمین کی طرف آتا ہے اور الٹا ہو جاتا ہے۔

 

 

جنوری 17, 2023
1 منٹ

متعلقہ مضامین / خبریں

جوہانسبرگ:سونے کی کان میں پھنس کر 100 کان کن ہلاک ہوگئے

4 دن پہلے

امریکی صدر جو بائیڈن نے جانے سے پہلے 50 لاکھ طلبہ کا قرضہ معاف کردیا

4 دن پہلے

امریکی صدر جوبائیڈن نے اپنے آخری فارن پالیسی خطاب میں اپنی کامیابیوں کا ذکر کیا ہے

4 دن پہلے

فرانس کے سابق صدر کو سزا،اپیل خارج

4 ہفتے پہلے
Back to top button