خلیج اردو
حکومت نے پیٹرول اور ڈیزل کی قیمتوں میں نمایاں اضافہ کر دیا ہے، جس کے تحت پیٹرول کی نئی قیمت 458 روپے 40 پیسے فی لیٹر مقرر کی گئی ہے جبکہ ڈیزل کی قیمت 520 روپے 35 پیسے فی لیٹر کر دی گئی ہے۔ نئی قیمتوں کا اطلاق 3 اپریل سے ہوگا۔
حکام کے مطابق عالمی منڈی میں تیل کی قیمتوں میں اضافے اور درآمدی اخراجات بڑھنے کے باعث یہ فیصلہ کیا گیا۔ معاشی ماہرین کا کہنا ہے کہ ایندھن مہنگا ہونے سے ٹرانسپورٹ اور اشیائے ضروریہ کی قیمتوں میں مزید اضافہ ہو سکتا ہے۔
تجزیہ کاروں کے مطابق اس فیصلے سے عوام پر مہنگائی کا بوجھ بڑھے گا اور کاروباری سرگرمیوں پر بھی اثر پڑنے کا امکان ہے، جبکہ حکومت کو متبادل ریلیف اقدامات پر غور کرنا ہوگا۔
