خلیج اردو
ویٹی کن سٹی:ویٹی کن سٹی میں پوپ فرانسس کی میت کو سینٹ پیٹرز باسیلیکا منتقل کر دیا گیا ہے جہاں دنیا بھر سے آئے عقیدت مندوں کو ان کے آخری دیدار کا موقع دیا جا رہا ہے۔ باسیلیکا کے اندر اور اطراف میں ہزاروں افراد موجود ہیں جو اپنے روحانی پیشوا کو خراج عقیدت پیش کر رہے ہیں۔
پوپ فرانسس کی آخری رسومات ہفتے کے روز ادا کی جائیں گی، جس میں دنیا بھر کے سرکردہ عالمی رہنما، مذہبی شخصیات اور عوام الناس کی بڑی تعداد شرکت کرے گی۔ ویٹی کن حکام کے مطابق رسومات مذہبی روایت اور تاریخی تقدس کے ساتھ انجام دی جائیں گی۔
پوپ فرانسس نے اپنے دورِ قیادت میں مذہبی رواداری، بین المذاہب مکالمے اور غریبوں کی مدد کو مرکز بنایا، جس کی وجہ سے وہ دنیا بھر میں ہر طبقے اور مذہب کے لوگوں میں مقبول ہوئے۔ ان کی وفات کے بعد دنیا بھر میں تعزیتی پیغامات کا سلسلہ جاری ہے۔
تاریخ اور روایت کے مطابق، سینٹ پیٹرز باسیلیکا پوپ کی آخری آرام گاہ کے طور پر خاص اہمیت رکھتی ہے، اور پوپ فرانسس کی آخری رسومات بھی اسی مقام پر ادا کی جائیں گی۔
