خلیج اردو
واشنگٹن: سابق امریکی صدر ڈونلڈ ٹرمپ نے غزہ پر مکمل اسرائیلی قبضے کے منصوبے سے متعلق سوال پر کہا ہے کہ ان کی حکومت کی توجہ فلسطینیوں کے محصور علاقوں میں زیادہ سے زیادہ غذا پہنچانے پر مرکوز ہے۔ ٹرمپ نے کہا کہ غزہ میں موجود لوگوں کو کھانا کھلانے کی کوشش کر رہے ہیں جبکہ اسرائیل تقسیم میں عملی مدد فراہم کرے گا اور عرب ریاستیں مالی معاونت فراہم کریں گی۔
ٹرمپ نے واضح کیا کہ غزہ کے باقی معاملات پر وہ فی الحال کچھ نہیں کہہ سکتے کیونکہ یہ زیادہ تر اسرائیل پر منحصر ہوگا کہ وہ اس مسئلے کو کس طرح آگے بڑھاتا ہے۔ ان کے بقول موجودہ صورتحال میں انسانیت کی اولین ترجیح بھوکے فلسطینی عوام کو خوراک کی فراہمی ہونی چاہیے۔
